କେନ୍ଦୁଝର: କୋରୋନା ଭାଇରସ ମହାମାରୀର ରୂପ ନେଉଛି । ଏହାକୁ ପ୍ରତିହିତ କରିବା ପାଇଁ ସରକାରୀ ସ୍ତରରେ ବ୍ୟାପକ ବ୍ୟବସ୍ଥା କରାଯାଇଛି । ଏହି ଭୟଭୟତାକୁ ଲକ୍ଷ୍ୟ କରି ସରକାରଙ୍କୁ ସାହାଯ୍ୟ କରିବାକୁ ବହୁ ବେସରକାରୀ ଅନୁଷ୍ଠାନ, ଦଳ ଆଦି ଆଗେଇ ଆସିଛନ୍ତି ।
ଆଜି ବିଜୁ ଜନତା ଦଳ କେନ୍ଦୁଝର ପକ୍ଷରୁ ମୁଖ୍ୟମନ୍ତ୍ରୀଙ୍କ ରିଲିଫ ଫଣ୍ଡକୁ ସହାୟତା ପ୍ରଦାନ କରାଯାଇଛି । ଜିଲ୍ଲା ସଭାପତି ମାଧବ ସର୍ଦ୍ଦାରଙ୍କ ନେତୃତ୍ୱରେ ଏକ ପ୍ରତିନିଧି ଦଳ ଜିଲ୍ଲାପାଳଙ୍କୁ ଭେଟି ଏକଲକ୍ଷ ପଚିଶ ହଜାର ଟଙ୍କାର ଏକ ଚେକ ପ୍ରଦାନ କରାଯାଇଥିଲା ।
ଏହି ପ୍ରତିନିଧି ଦଳରେ ପାଟଣା ବିଧାୟକ ଜଗନ୍ନାଥ ନାଏକ, ପୂର୍ବତନ କେସିସି ବ୍ୟାଙ୍କ ସଭାପତି କାନନ ବିହାରୀ ପହିଙ୍କ ସହ ବହୁ ଦଳୀୟ ନେତାମାନେ ମଧ୍ୟ ଉପସ୍ଥିତ ଥିଲେ । ଏହି ଚେକକୁ ଗ୍ରହଣ କରୁଥିବା ସମୟରେ ସବୁବେଳେ ସାମାଜିକ ଦୂରତ୍ୱକୁ ପ୍ରାଧାନ୍ୟ ଦେଉଥିବା ଜିଲ୍ଲାପାଳ ଏହାକୁ ପାଶୋରି ଦେଇଥିବା ଦେଖାଯାଇଥିଲା ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
