ଆନନ୍ଦପୁର: ରୋଗୀ ସେବାକୁ ନେଇ ହସ୍ପିଟାଲରେ ଦେଖିବାକୁ ମିଳିଛି ଆଉ ଏକ ଅଘଟଣ । କେନ୍ଦୁଝର ଜିଲ୍ଲା ଅଧିନ ଆନନ୍ଦପୁର ଉପଖଣ୍ଡ ଚିକିତ୍ସାଳୟରେ ମାଇନର ଓଟି ଛାତରୁ ସିଲିଂ ଖସି ପଡିଥିବା ଦେଖିବାକୁ ମିଳିଛି । ସୌଭାଗ୍ୟବଶତଃ ଏହି ଦୁର୍ଘଟଣାରୁ ଅଳ୍ପକେ ବର୍ତ୍ତିଯାଇଛନ୍ତି କାର୍ଯ୍ୟରତ କର୍ମଚାରୀ ଓ ରୋଗୀ । ତେବେ ହସ୍ପିଟାଲର କର୍ମଚାରୀ ମାଇନର ଓଟିରେ ଥିବା କିଛି ଯନ୍ତ୍ରାଂଶକୁ ଷ୍ଟେରିଲାଇଜ୍ କରିବାପାଇଁ ପ୍ରବେଶ କରୁଥିବା ସମୟରେ ହଠାତ୍ ସିଲିଂ ଖସି ପଡିଥିବା ଦେଖିବାକୁ ମିଳିଛି ।
ମେଡିକାଲ ଓଟିରୁ ଖସିଲା ସିଲିଂ, ଅଳ୍ପକେ ବର୍ତ୍ତିଲେ ରୋଗୀଙ୍କ ସମେତ କର୍ମଚାରୀ
ସେପଟେ ଚିକିତ୍ସାଳୟ ଠାରେ ମରାମତି ନାମରେ ପୂର୍ତ୍ତ ବିଭାଗ ତରଫରୁ ପ୍ରତିବର୍ଷ ଲକ୍ଷ ଲକ୍ଷ ବ୍ୟୟ ବରାଦ ହେଉଥିବା ବେଳେ ଏଭଳି ପରିସ୍ଥିତି ପାଇଁ ନିମ୍ନମାନର କାମକୁ ଦାୟୀ କରିଛନ୍ତି ସ୍ଥାନୀୟ ବୁଦ୍ଧିଜୀବୀ ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
