କେନ୍ଦୁଝର: ବାଲି ଚୋରାଚାଲାଣବେଳେ ପାଞ୍ଚ ଟ୍ରାକ୍ଟର ଜବତ କଲା ରାଜସ୍ବ ବିଭାଗ । କୋରୋନା ଯୋଗୁଁ ନିଲାମ ହୋଇନଥିବା ବାଲିଘାଟରୁ ବାଲି ଉଠାଣବେଳେ ଚଢାଉ କଲା ତେଲକୋଇ ତହସିଲଦାର ।
କେନ୍ଦୁଝର ଜିଲ୍ଲା ତେଲକୋଇ ତହସିଲ ଅନ୍ତର୍ଗତ ସମାକୋଇ ନଦୀର କୁମୁଣ୍ଡୁ ଘାଟରୁ ବାଲି ଚୋରା ଚାଲାଣବେଳେ ୫ ଟ୍ରାକ୍ଟରକୁ ତେଲକୋଇ ତହସିଲଦାର ଅଶ୍ବିନୀ କୁମାର ନାୟକ ଜବତ କରିଛନ୍ତି । କୋରୋନା ପାଇଁ ଗତ ମାର୍ଚ୍ଚ ମାସରେ ତେଲକୋଇ ବାଲିଘାଟକୁ ଛାଡି ଅନ୍ୟ ବାଲିଘାଟ ଗୁଡିକ ନିଲାମ ହୋଇ ନଥିବାରୁ ସମସ୍ତ ବାଲିଘାଟ ଗୁଡିକ ଉପରେ ରାଜସ୍ବ ବିଭାଗ ନଜର ରଖିଥିଲା ।
ବାଲି ଚୋରାଚଲାଣ ବେଳେ 5 ଟ୍ରାକ୍ଟର ଜବତ କଲେ ତେଲକୋଇ ତହସିଲଦାର
ବୁଧବାର ପ୍ରାୟ ଦିନ ଗୋଟାଏ ବେଳକୁ ସମାକୋଇ ନଦୀର କୁମୁଣ୍ଡ ଘାଟରେ ତେଲକୋଇ ତହସିଲଦାର ଚଢାଉ କରି ଦୁଇଟି ନମ୍ବର ବିହିନ ଟ୍ରାକ୍ଟର ସହିତ ମୋଟ ୫ଟି ଟ୍ରାକ୍ଟର ଜବତ କରିଛନ୍ତି । ସେହିଭଳି ଆଗାମୀ ଦିନରେ ଚୋରା ବାଲି ଚାଲାଣ ରୋକିବା ଦିଗରେ ଦୃଢ଼ ପଦକ୍ଷେପ ଗ୍ରହଣ କରାଯିବ ବୋଲି ତହସିଲଦାର ପ୍ରକାଶ କରିଛନ୍ତି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
