କେନ୍ଦୁଝର: ଜଜାଙ୍ଗ ଲୌହ ଖଣିରେ କାର୍ଯ୍ୟରତ ଜଣେ ଶ୍ରମିକର ଅସ୍ବାଭାବିକ ମୃତ୍ୟୁ । କେନ୍ଦୁଝର ଜିଲ୍ଲା ରୁଙ୍ଗୁଟା ଗ୍ରୁପ ଅଫ କମ୍ପାନୀର ଜଜାଙ୍ଗ ଲୌହ ଖଣି ଅଧିନରେ କାର୍ଯ୍ୟରତ ଜଣେ ଶ୍ରମିକଙ୍କ ସନ୍ଦେହଜନକ ମୃତ୍ୟୁ ଘଟିଛି । ମୃତକ ଜଣକ ହେଲେ ଆନନ୍ଦପୁର ଶୈଲଙ୍ଗର ସଞ୍ଜୟ କୁମାର ପୁହାଣ ।
ସୂଚନା ଅନୁସାରେ, ଆଜି ସକାଳୁ ଜୁରୁଡିର ଏକ ଭଡାଘରେ ରହୁଥିବା ଛାତ ଉପରେ ତାଙ୍କ ମୃତଦେହ ଝୁଲୁଥିବାର ଦେଖିବାକୁ ମିଳିଥିଲା । ଏହାକୁ ଦେଖିବା ପରେ ବାମବେରି ପୋଲିସକୁ ଖବର ଦିଆଯାଇଥିଲା ।
ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିବା ସହ ବ୍ୟବଚ୍ଛେଦ ପାଇଁ ପଠାଇଛି । ତେବେ ଏହା ସୁକଳ୍ପିତ ହତ୍ୟା ନା ଆତ୍ମହତ୍ୟା ସେନେଇ ପୋଲିସ ତଦନ୍ତ ଆରମ୍ଭ କରିଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
