କେନ୍ଦୁଝର : ସମସ୍ତ ଆଶାର ଅନ୍ତ ହେବାକୁ ଯାଉଛି । ଆସନ୍ତା 5 ତାରିଖରେ ଅଯୋଧ୍ୟାରେ ରାମ ମନ୍ଦିର ପାଇଁ ହେବ ଭୂମି ପୂଜନ। ୧୯୯୦ମସିହାରେ ସାରା ଦେଶରେ ରାମ ମନ୍ଦିର ନିର୍ମାଣକୁ ନେଇ ଏକ ଜନ ଆନ୍ଦୋଳନ ଗଢି ଉଠିଥିଲା । ଏହି ଆନ୍ଦୋଳନ ରେ ସାମିଲ ହୋଇ ସାରା ଭାରତରୁ ହଜାର ହଜାର କର ସେବକ ଅଯୋଧ୍ୟା ମୁହାଁ ହୋଇଥିଲେ । ଲକ୍ଷ୍ୟ ଥିଲା ବିବାଦୀୟ ବାବରୀ ମସଜିଦ ଭାଙ୍ଗି ସେଠାରେ ରାମ ମନ୍ଦିର ପ୍ରତିଷ୍ଠା କରିବା । ଏହି ଆନ୍ଦୋଳନରେ ଓଡ଼ିଶାର ର ବିଭିନ୍ନ ଜିଲ୍ଲାରୁ ଶହ ଶହ କର ସେବକ ମଧ୍ୟ ସାମିଲ ହୋଇଥିଲେ । ଏହି କର ସେବକରେ ସାମିଲ ହେବା ପାଇଁ ଇଚ୍ଛା ଥିଲେ ମଧ୍ୟ ବୟସ କମ ଯୋଗୁଁ ଅନୁମତି ଦିଆ ଯାଇନଥିଲା ।
କିନ୍ତୁ ମନରେ ଉତ୍ସାହ ଥିବା ଯୋଗୁଁ କଲେଜରୁ ନିଜ ସାଇକେଲ ଯୋଗେ ପକେଟରେ ମାତ୍ର ଚାରି ଟଙ୍କା ଧରି ଅଯୋଧ୍ୟା ମୁଖେ ବାହାରିଥିଲେ କେନ୍ଦୁଝରର ସୁଶୀଲ କୁମାର ମହାନ୍ତ । ସାହାରପଡା ବ୍ଲକରୁ ଅଯୋଧ୍ୟା ପର୍ଯ୍ୟନ୍ତ ତାଙ୍କୁ ପହଞ୍ଚିବାକୁ ୮ ଦିନ ଲାଗିଥିବା ବେଳେ ସେ ସମୟରେ ଘଟିଥିବା ସମସ୍ତ ଦୃଶ୍ୟକୁ ଆଜି ପର୍ଯ୍ୟନ୍ତ ମନେ ରଖିଛନ୍ତି । ମନରେ ତାଙ୍କର ଯେଉଁ ଇଚ୍ଛା ଥିଲା ରାମ ମନ୍ଦିର ପ୍ରତିଷ୍ଠାକୁ ନେଇ ଆଗାମୀ ୫ ତାରିଖରେ ଏହା ସଫଳ ହେବାକୁ ଯାଉଥିବା ନେଇ ସେ ଖୁସି ବ୍ୟକ୍ତ କରିଛନ୍ତି । କୋରୋନା ମହାମାରୀ ହଟିଲେ ସେ ଅଯୋଧ୍ୟା ଯାଇ ରାମଙ୍କୁ ଦର୍ଶନ କରିବେ ବୋଲି ଆଶା ରଖିଛନ୍ତି ସୁଶୀଲ ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
