କେନ୍ଦୁଝରରୁ: ମଶାରୀ ଭିତରେ ଦମ୍ପତିଙ୍କୁ ନିର୍ମମ ହତ୍ୟା। ଏଭଳି ଅଭାବନୀୟ ଘଟଣା କେନ୍ଦୁଝର ଜିଲ୍ଲା ଘଟଗାଁ ଥାନା ଅନ୍ତର୍ଗତ ଗୋଧିରାମପଡ଼ାରେ ଘଟିଛି । ତେବେ ଗ୍ରାମର ମୁଣ୍ଡା ସାହିରେ ବୃଦ୍ଧ ଦମ୍ପତିଙ୍କୁ ଗୁଣି ଗାରେଡ଼ି ସନ୍ଦେହରେ କେହି ଅତି ନୃଶଂସ ଭାବେ ହତ୍ୟା କରିଥିବା ଜଣାପଡ଼ିଛି ।
ଫଟୋ ସୌଜନ୍ୟ: ସମ୍ବାଦଦାତା କେନ୍ଦୁଝର
ଖବର ଅନୁଯାୟୀ, ଘର ବାରଣ୍ଡାରେ ରାମାଇ ମୁଣ୍ଡା ଓ ତାଙ୍କ ପତ୍ନୀ ଚମ୍ପା ମୁଣ୍ଡା ମଶାରୀ ଟାଣି ଶୋଇଥିଲେ । ଏହି ସମୟରେ କେହି ତାଙ୍କୁ ହତ୍ୟା କରିଥିବା ସନ୍ଦେହ କରାଯାଇଛି। ହତ୍ୟାକାଣ୍ଡ ପରେ ସମ୍ପୂର୍ଣ୍ଣ ଚଟାଣ ରକ୍ତାକ୍ତ ହୋଇଯାଇଛି ।
ଏହି ଘଟଣାଟି ଗୁଣି ଗାରେଡି ପାଇଁ ହୋଇଥିବା ଗ୍ରାମ ଲୋକେ ସନ୍ଦେହ କରୁଛନ୍ତି । ଘଟଣାସ୍ଥଳରେ ଘଟଗାଁ ପୋଲିସ ପହଞ୍ଚି ଶବକୁ ଜବତ କରିବା ସହ ତଦନ୍ତ ଆରମ୍ଭ କରିଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
