କେନ୍ଦୁଝର: ଆଜିଠୁ ଦୁଇ ଦିନିଆ କେନ୍ଦୁଝର ଗସ୍ତରେ ଖଣି ଓ ଇସ୍ପାତ ମନ୍ତ୍ରୀ ପ୍ରଫୁଲ୍ଲ ମଲ୍ଲିକ । ଗସ୍ତର ପ୍ରଥମ ଦିନରେ ଜିଲ୍ଲାର ଖଣି ଅଞ୍ଚଳରେ ବିକାଶର ସମୀକ୍ଷା କରିଛନ୍ତି । ତାଙ୍କ ସହ ଖଣି ସଚିବ ଓ ଖଣି ନିର୍ଦ୍ଦେଶକ ମଧ୍ୟ ଆସି ପହଞ୍ଚିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର
ସୂଚନାନୁଯାୟୀ, ମନ୍ତ୍ରୀ ପ୍ରଫୁଲ୍ଲ ମଲ୍ଲିକ ଦୁଇ ଦିନିଆ ଗସ୍ତର ପ୍ରଥମ ଦିନରେ ଯୋଡା ପୌରପାଳିକାର ବୈଠକ ଗୃହରେ ଖଣିଜ ପଦାର୍ଥ ଉତ୍ତୋଳନ ଓ ପରିବହନ ବ୍ୟବସ୍ଥା ନେଇ ସମୀକ୍ଷା କରିଥିଲେ । ଉକ୍ତ ବୈଠକରେ ଜିଲ୍ଲାପାଳ, ଖଣି ଉପନିର୍ଦ୍ଦେଶକ, ଖଣି ସଚିବ ଓ ଖଣି କର୍ତ୍ତୃପକ୍ଷଙ୍କ ଅନେକ ପ୍ରତିନିଧି ଯୋଗ ଦେଇଥିଲେ । ବୈଠକରେ ଖଣିଜ ପଦାର୍ଥ ଉତ୍ତୋଳନରେ ଦେଖା ଦେଉଥିବା ସମସ୍ୟା ଏବଂ ଖଣି ଅଞ୍ଚଳରେ ଦ୍ରୁତ ବିକାଶ ନେଇ ଆଲୋଚନା ହୋଇଥିଲା ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
