କେନ୍ଦୁଝର: ବେଆଇନ ଲୁହା ପଥର ଚୋରା ଚାଲାଣ ବେଳେ ଜବତ କଲା ପୋଲିସ । କେନ୍ଦୁଝରରେ ଚୋରା ଲୁହା ପଥର ଚାଲାଣ ହେଉଥିବା 6 ଟି ଟ୍ରଲରକୁ ଜବତ କଲା ବାମେବାରି ପୋଲିସ । ହାଣ୍ଡିଭଙ୍ଗା ନିକଟରୁ ବେଆଇନ ଭାବେ ଲୁହାପଥର ଚାଲାଣ ବେଳେ ଜବତ ହୋଇଛି 6 ଟି ଟ୍ରଲର।
6 ଟି ଟ୍ରଲର ଜବତ
ବାମେଵାରି ପୋଲିସ ଏହି ଗାଡି ଗୁଡିକ ଧରିବାରେ ସକ୍ଷମ ହୋଇଛି । ତେବେ ଏଥିରେ କାହାର ଲିଙ୍କ ଅଛି ସେନେଇ ଅଧିକ ତଦନ୍ତ ଜାରି ରଖିଛି ପୋଲିସ । ବର୍ତ୍ତମାନ କେନ୍ଦୁଝର ଜିଲ୍ଲାରେ ପୁଣି ସକ୍ରିୟ ହୋଇପଡିଛନ୍ତି ଖଣି ମାଫିଆମାନେ ।
2009 ମସିହାରେ ବେଆଇନ ଭାବେ ଚାଲୁଥିବା କ୍ରସର ଓ ଡ଼ମ୍ପିଙ୍ଗ କରି ରଖା ଯାଇଥିବା ଖଣିଜ ପଦାର୍ଥକୁ ସିଜ କରିଥିଲା ଖଣି ବିଭାଗ ଓ ପୋଲିସ । ତେବେ ପୁଣିଥରେ ଲୁହା ପଥର ଚୋରି ଆରମ୍ଭ ହୋଇଥିବାରୁ ଖଣି ମାଫିଆ ସକ୍ରିୟ ହୋଇଉଠିଛନ୍ତି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
