କେନ୍ଦୁଝର: କୋରୋନାର ଦ୍ୱିତୀୟ ଲହର ତାର କାୟା ବିସ୍ତାର କରି ଚାଲିଛି । ଏହି ଲହର ପାଇଁ ରାଜ୍ୟ ସରକାର 14 ଦିନ ପାଇଁ ଲକଡାଉନ ଘୋଷଣା କରିଛନ୍ତି । ଆଜି(ଗୁରୁବାର) ଏହି ଲକଡାଉନର ଦ୍ୱିତୀୟ ଦିନ । ପ୍ରଶାସନର କଡା ନିର୍ଦ୍ଦେଶ ସତ୍ତ୍ୱେ ବହୁ ଅମାନିଆ ନିୟମ ଭାଙ୍ଗି ରାସ୍ତାରେ ବୁଲୁଥିବା ଦେଖାଦେଇଛି ।
ଅମାନିଆଙ୍କ ବାଇକ ଜବତ, ପାସ ଦେବ ପୋଲିସ
ଏହି ବୁଲିବା ସମୟରେ ପୋଲିସ ପକ୍ଷରୁ କଡା ଯାଞ୍ଚ ବେଳେ ଧରାପଡିଛନ୍ତି ଅମାନିଆ । ଅମାନିଆଙ୍କ ଗାଡି ଜବତ କରିଛି ଟାଉନ ପୋଲିସ । ଆଜି ୪୦ରୁ ଊର୍ଦ୍ଧ୍ବ ବାଇକ ଜବତ କରିଛି ଟାଉନ ପୋଲିସ । ନିୟମ ଅନୁଯାୟୀ ଯେଉଁମାନେ ବାହାରକୁ ଯିବା ପାଇଁ ଚାହିଁବେ, ସେମାନେ www.keonjharpolice.in ରେ ଆବେଦନ କରି ପାସ ନେଇ ପାରିବେ ବୋଲି ଟାଉନ ଥାନା ଅଧିକାରିଣୀ ପ୍ରକାଶ କରିଛନ୍ତି । ଅମାନିଆଙ୍କ ପ୍ରତି ଏଭଳି କଡା ପଦକ୍ଷେପ ଜାରି ରହିବ ବୋଲି ସେ ପ୍ରକାଶ କରିଛନ୍ତି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
