କେନ୍ଦୁଝର: ଲୁଟ ଉଦ୍ୟମ ବିଫଳ । ଏଟିଏମ ଭାଙ୍ଗି ପ୍ରୟାସ ବିଫଳ ହେବା ପରେ ଘଟଣାସ୍ଥଳରୁ ଫେରାର ହୋଇ ଯାଇଛନ୍ତି ଲୁଟେରା । ଏପରି ଏକ ଘଟଣା ଘଟିଛି କେନ୍ଦୁଝର ଟାଉନ ଥାନା ଅନ୍ତର୍ଗତ ବଣିଆପାଟ ଠାରେ । ଲୁଟେରାମାନେ ପ୍ରୟାସ କରିଥିଲେ ହେଁ ସ୍ଥାନୀୟ ବାସିନ୍ଦାଙ୍କ କାରଣରୁ ଲୁଟିବାରେ ବିଫଳ ହୋଇଛନ୍ତି ଲୁଟିଆ ଦଳ ।
ଖବରମୁତାବକ, ଶନିବାର ଭୋର ସମୟରେ କେନ୍ଦୁଝର ଟାଉନ ଥାନା ଅନ୍ତର୍ଗତ ବଣିଆପାଟଠାରେ ଲୁଟେରାମାନେ ଏଟିଏମକୁ ତାଡି ଟଙ୍କା ଲୁଟିବାକୁ ଉଦ୍ୟମ କରିଥିଲେ । ତେବେ ସେହି ଏସବିଆଇ ଏଟିଏମରେ କୌଣସି ସୁରକ୍ଷାକର୍ମୀ ନଥିବାରୁ ଲୁଟେରାମାନେ ତାହାକୁ ଟାର୍ଗେଟ କରିଥିବା ଜଣାପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର
ସ୍ଥାନୀୟ ଲୋକଙ୍କ ଉପସ୍ଥିତି ଯୋଗୁଁ ଲୁଟେରାମାନଙ୍କ ଲୁଟ୍ ଉଦ୍ୟମ ବିଫଳ ହୋଇଯାଇଛି । ଏହି ଘଟଣା ସମ୍ପର୍କରେ ଟାଉନ ପୋଲିସ୍ ସୂଚନା ପାଇବା କ୍ଷଣି ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରି ଦେଇଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
