କେନ୍ଦୁଝର: ପପୁଲାର ଓଡିଆ ହାସ୍ୟ ଅଭିନେତା ସଲିଳ ମିତ୍ରଙ୍କ ଗାଡି କେନ୍ଦୁଝର ଘଟଗାଁ କଲେଜ ଛକ ନିକଟରେ ଦୁର୍ଘଟଣା ହୋଇଛି । ଦୁର୍ଘଟଣାରେ ଗୁରୁତର ଆହତ ହୋଇଛନ୍ତି ସଲିଲ ।
ଭିଡିଓ ସୌଜନ୍ୟ: ସମ୍ବାଦଦାତା କେନ୍ଦୁଝର
ଖବର ଅନୁଯାୟୀ, କାର ଯୋଗେ ସଲିଲ ୨୦ ନମ୍ବର ଜାତୀୟ ରାଜପଥ ଦେଇ କରଞ୍ଜିଆ ଅଭିମୁଖେ ଯାଉଥିବା ବେଳେ ଘଟଗାଁ କଲେଜ ଛକ ନିକଟରେ କୌଣସି କାରଣରୁ କାରଟି ଭାରସାମ୍ୟ ହରାଇ ରାସ୍ତା ଉପରେ ଓଲଟି ପଡିଥିଲା ।
ଫଳରେ ସଲିଳ ଓ ଚାଳକ ଘଟଣାସ୍ଥଳରେ ଗୁରୁତର ଆହାତ ହୋଇଥିଲେ । ତାଙ୍କୁ ଗୁରୁତର ଅବସ୍ଥାରେ ଘଟଗାଁ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି । ସ୍ବାସ୍ଥ୍ୟ ପରୀକ୍ଷା ପରେ ସଲିଳଙ୍କ ଡାହଣ ହାତ ଓ ଗୋଡ ଭାଙ୍ଗି ଯାଇଥିବାର ଡାକ୍ତର ସୂଚନା ଦେଇଛନ୍ତି ।
ତେବେ ସଲିଳ କମେଡି ଅଭିନେତା ଭାବରେ 1999ରେ 'ପୁଅ ଭାଙ୍ଗି ଦେଲା ସୁନା ସଂସାର'ରେ ଅଭିନୟ ଜୀବନ ଆରମ୍ଭ କରିଥିଲେ ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
