କେନ୍ଦୁଝର: ହରିଚନ୍ଦନପୁର ଥାନା ଅନ୍ତର୍ଗତ ଖଡିବାହାଳି ନିକଟରେ ଏକ ଅଜଣା ଗାଡି ଧକ୍କାରେ ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇ ଜଣଙ୍କ ଅବସ୍ଥା ଗୁରୁତର ରହିଛି ।
ସୂଚନାଅନୁସାରେ ଯାଜପୁର ଜିଲ୍ଲା କଳିଆପାଣି ଗ୍ରାମର ସୁଦର୍ଶନ ମହାକୁଡ଼, ତାଙ୍କ ସ୍ତ୍ରୀ ଓ ଦୁଇ ପିଲାଙ୍କ ସାଥିରେ ମୟୂରଭଞ୍ଜ ଜିଲ୍ଲାର ଶଶୁର ଘରକୁ ବୁଲିବାକୁ ଆସିଥିଲେ । ଗୁରୁବାର ଅପରାହ୍ନରେ ନିଜ ଘର କଳିଆପାଣି ଗ୍ରାମକୁ ଫେରୁଥିବା ସମୟରେ ହରିଚନ୍ଦନପୁର ନିକଟରେ ଏକ ଅଜଣା ଗାଡି ଦୁର୍ଘଟଣାର ଶିକାର ହୋଇଥିଲେ । ଆମ୍ବୁଲାନ୍ସ ଦ୍ବାରା ଆହତଙ୍କୁ ହରିଚନ୍ଦନପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ନିଆଯାଇଥିଲା ହେଲେ ଡାକ୍ତର ସେଠାରେ ସୁଦର୍ଶନଙ୍କୁ ମୃତ ଘୋଷଣା କରିଥିଲେ ।
ଦୁର୍ଘଟଣାରେ ସୁଦର୍ଶନଙ୍କ ସ୍ତ୍ରୀ ରାଇମଣି ମହାକୁଡ଼ ଓ ସାନ ପୁଅ ଚିନ୍ମୟ ମହାକୁଡ଼ ଗୁରୁତର ହୋଇଥିବା ବେଳେ ବଡ଼ ପୁଅ ରାହୁଲ ମହାକୁଡ଼ ସାମାନ୍ୟ ଆହତ ହୋଇ ଚିକିତ୍ସିତ ହେଉଛନ୍ତି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର,ଇଟିଭି ଭାରତ
