କେନ୍ଦୁଝର: ଦିନକୁ ଦିନ ଶିକ୍ଷା ବ୍ୟୟବହୁଳ ହୋଇଗଲାଣି । ଏହା ସାଙ୍ଗକୁ ଶିକ୍ଷାକ୍ଷେତ୍ରରେ ପ୍ରତିଯୋଗିତା ବହୁ ମେଧାବୀ ଛାତ୍ରଛାତ୍ରୀ ପଛରେ ପଡିଯାଉଛନ୍ତି । ଵିଶେଷ କରି ସରକାରୀ ବିଦ୍ୟାଳୟ ଗୁଡିକରେ ପଢ଼ୁଥିବା ଛାତ୍ରଛାତ୍ରୀ ମାନେ ଉଚ୍ଚ ଶିକ୍ଷା କ୍ଷେତ୍ରରେ ପାରଦର୍ଶିତା ଲାଭ କରି ପାରୁନାହାନ୍ତି । ଏସବୁକୁ ଲକ୍ଷ୍ୟ କରି ଓଡିଶା ସରକାର କ୍ୟାବିନେଟରେ ନୂତନ ସଂକଳ୍ପ ଘୋଷଣା କରିଛନ୍ତି ।
ସରକାରୀ ବିଦ୍ୟାଳୟରେ ପଢ଼ୁଥିବା ଛାତ୍ରଛାତ୍ରୀମାନଙ୍କ ପାଇଁ ଡାକ୍ତରୀ କିମ୍ବା ଟେକନିକାଲ ଶିକ୍ଷା କ୍ଷେତ୍ରରେ ସଂରକ୍ଷଣ ବ୍ୟବସ୍ଥା ଗ୍ରହଣ କରିଛନ୍ତି । ରାଜ୍ୟ ସରକାରଙ୍କ ଏହି ଯୁଗାନ୍ତକାରୀ ଯୋଜନାକୁ ବିଭିନ୍ନ ସ୍ଥରରେ ସ୍ବାଗତ କରାଯାଇଛି । ଏନେଇ ସ୍ଥାନୀୟ ମୋଚିବନ୍ଧ ବିଦ୍ୟାଳୟ ପରିସରରେ ଏକ ସଭା ଅନୁଷ୍ଠିତ ହୋଇଥିଲା ।। ବିଦ୍ୟାଳୟର ଶିକ୍ଷକ ,ବୁଦ୍ଧିଜୀବୀ ଓ ଛାତ୍ରଛାତ୍ରୀ ମାନେ ଯୋଗ ଦେଇ ମୁଖ୍ୟମନ୍ତ୍ରୀଙ୍କ ଏହି ଯୋଜନାକୁ ସ୍ବାଗତ କରିବା ସହ ସରକାରୀ ବିଦ୍ୟାଳୟ ପ୍ରତି ନୂତନ ଛାତ୍ରଛାତ୍ରୀଙ୍କ ଆଗ୍ରହ ବୃଦ୍ଧି ପାଇବାରେ ଏହି ଯୋଜନା ସହାୟକ ହେବ ବୋଲି ମତ ପ୍ରକାଶ କରିଛନ୍ତି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର,ଇଟିଭି ଭାରତ
