କେନ୍ଦୁଝର: ପାଟଣା ଅବକାରୀ ବିଭାଗ ପକ୍ଷରୁ ପାଟଣା ଓ ତୁରୁମୁଙ୍ଗା ଥାନା ଅଞ୍ଚଳରେ ଚଢାଉ କରାଯାଇଛି । ଏହି ଚଢାଉରେ ବିପୁଳ ପରିମାଣର ମହୁଲି ମଦ ଜବତ କରାଯିବା ସହିତ ରନ୍ଧା ମଦ ସାମଗ୍ରୀ ଜବତ କରାଯାଇଛି ।
ମହୁଲୀ ମଦ ଜବତ
ଏଥି ସହିତ ମହୁଲି ପୋଚ ନଷ୍ଟ କରାଯାଇ 10 ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ଅବକାରୀ ବିଭାଗ । ଗିରଫ ବ୍ୟକ୍ତି ହେଲେ ଟାଙ୍ଗରରପଡା ଗ୍ରାମର ସୁନା ନାଏକ, କେନ୍ଦୁଆପଡା ଗ୍ରାମର ବ୍ରହ୍ମାନନ୍ଦ ମହାନ୍ତ, ନୂଆପଡା ଗ୍ରାମର କ୍ଷୀରୋଦ ମହାନ୍ତ ଓ ଗୌରୀଶଙ୍କର ମହାନ୍ତ, ଶଙ୍ଖୁଆ ଗ୍ରାମର ଦେଓଲା ଟୁଡୁ ଓ ପରେଶ କୁମାର ମାଝୀ, ଜାରକିନାଳି ଗ୍ରାମର ପାନ ମାଝୀ, ଚୁନୁ ସାହିର ଗଙ୍ଗା ମାଝୀ ଓ ବାଇଧର ମାଝୀ, କେନ୍ଦେଇପଶି ଗ୍ରାମର ଶରତ ସେଠୀ ବୋଲି ଜଣାପଡିଛି ।
ଏହାସହ ଶରତଙ୍କ ଠାରୁ ଏକ ଲୁନା ଗାଡି ଜବତ କରିଛି ବିଭାଗ । ବେଆଇନ ମଦ ବିକ୍ରି ଅଭିଯୋଗରେ ସମସ୍ତଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ଅବକାରୀ ଇନ୍ସପେକ୍ଟର ନିମାଇଁ ଚରଣ ସିଂ ସୂଚନା ଦେଇଛନ୍ତି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
