ଆନନ୍ଦପୁର: ବେଆଇନ ମଦ କାରଖାନା ଉପରେ ଚଢାଉ । ଚଢାଉ ବେଳେ ୧୦୯ଲିଟର ମଦ ସହ ସାଢେ ୪ କୁଇଣ୍ଟାଲ ମହୁଲ ପୋଚ ଜବତ ସହ ଜଣଙ୍କୁ ଗିରଫ କଲା ପୋଲିସ । ସୂଚନା ଅନୁଯାୟୀ, ଆନନ୍ଦପୁର ଅବକାରୀ ଥାନା ଇନ୍ସପେକ୍ଟର ଦେବୀପ୍ରସାଦ ମିଶ୍ରଙ୍କ ତତ୍ବାବଧାନରେ ଅବକାରୀ ଏସଆଇ ନରେନ୍ଦ୍ର କୁମାର ପ୍ରଧାନ ଏବଂ ତାଙ୍କର ଅନ୍ୟ କର୍ମଚାରୀ ବିଭିନ୍ନ ମଦ ଆଡ୍ଡା ଉପରେ ଚଢ଼ାଉ କରିଥିଲେ ।
ମଦ ଆଡ୍ଡାରେ ଚଢାଉ
ଚଢାଉ ବେଳେ ବାଂଖିଡି, ସାଳବଣି, ବାହିଆବାରଦଣ୍ଡା, ଚୋରଗଡ଼ିଆରେ ଥିବା ଚୁଲା ଓ ଭାଟିକୁ ଭାଙ୍ଗିବା ସହ ମଦ ପ୍ରସ୍ତୁତି ପାଇଁ ଥିବା ପ୍ରାୟ ୪ କୁଇଣ୍ଟାଲ ୩୪୦ କିଲୋଗ୍ରାମ ମହୁଲ ପୋଚ ଓ ୧୦୯ଲିଟର ମହୁଲି ମଦ ଜବତ କରି ନଷ୍ଟ କରିଛନ୍ତି । ଏହି ବେଆଇନ ଆଡ୍ଡାରେ ସଂପୃକ୍ତ ଥିବା ରାଇମଣୀ ହୋଙ୍କୁ ପୋଲିସ ଗିରଫ କରିଥିବା ସୂଚନା ମିଳିଛି ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
