ଆନନ୍ଦପୁର: ଗାଈ ଚରାଉଥିବା ବେଳେ ଘଟିଛି ଏକ ଅଘଟଣ । କେନ୍ଦୁଝର ଜିଲ୍ଲା ଘଷିପୁରା ବ୍ଲକ ଅଧିନ ତୁଳସୀପୁର ଗାଁରେ ଦେଖିବାକୁ ମିଳିଛି ଏଭଳି ଅଭାବନୀୟ ଦୃଶ୍ୟ । ନଦୀ ପଠାରେ ଯୁବକ ଜଣକ ଗାଈ ଚରାଉଥିବା ବେଳେ ଘଟିଛି ଏହି ଅଘଟଣ । ନଦୀ ପଠାକୁ ଗାଈ ଚରାଇବାକୁ ଯାଇଥିବା ବେଳେ ଏକ ବିରାଟକାୟ ଅଜଗର ଜଣେ ଯୁବକଙ୍କୁ ନଦୀ ଭିତରକୁ ଟାଣି ନେଇଥିଲା ।
ଗାଈ ଚରାଉଥିବା ବେଳେ ଅଘଟଣ: ଯୁବକଙ୍କୁ ନଦୀ ଭିତରକୁ ଟାଣି ନେଲା ଅଜଗର
ସୂଚନାନୁସାରେ ଭଗାମୁଣ୍ଡା ଅଞ୍ଚଳର ଗାଦୁ ମାଝୀ ନାମକ ଜଣେ ଯୁବକ ତୁଳସୀପୁର ଗାଁର ବାବାଜୀ ପାଢୀଙ୍କ ଘରେ ଦୀର୍ଘଦିନ ଧରି ଘର କାମ କରିଆସୁଥିଲେ । ତେବେ ସେ ଆଜି (ସୋମବାର) କୁଶେଇ ନଦୀ ପଠାକୁ ଗାଈ ଚରାଇବାକୁ ଯାଇଥିବା ବେଳେ ଏକ ବିରାଟକାୟ ଅଜଗର ତାଙ୍କୁ ନଦୀ ଭିତରକୁ ଟାଣି ନେଇଥିଲା ।
ଆଉ ଘଟଣାସ୍ଥଳରେ ସ୍ଥାନୀୟ ଯୁବକ ପହଁଞ୍ଚି ଅଚେତ ଅବସ୍ଥାରେ ଯୁବକଙ୍କୁ ଉଦ୍ଧାର କରି ଆନନ୍ଦପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଛନ୍ତି ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
