କେନ୍ଦୁଝର: ସହରରେ କଳା ପଲସର ଆତଙ୍କ । ଶନିବାର ଏକ କଳା ପଲସରରେ ଦୁଇ ଦୁର୍ବୃତ୍ତ ଆସି ଟାଉନ ଥାନା ଅଧିନସ୍ଥ ଭାଲୁକିପତଳା ଅଞ୍ଚଳରୁ ଜଣେ ମହିଳାଙ୍କ ଠାରୁ ଲୁଟି ନେଇଛନ୍ତି 2 ଲକ୍ଷ ଟଙ୍କା । ଗୀତାଞ୍ଜଳି ମହାପାତ୍ର ନାମକ ଜଣେ ମହିଳା ଏସବିଆଇରୁ ନିଜ ଝିଅଙ୍କ ସହ ଟଙ୍କା ଉଠାଇ ସ୍କୁଟିରେ ଘରକୁ ଫେରୁଥିବା ସମୟରେ ଘଟିଥିଲା ଏହି ଘଟଣା ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର
ତେବେ ଦୁର୍ବୃତ୍ତ ଦୁହେଁ ବାଇକରେ ଆସି ଟଙ୍କା ବ୍ୟାଗ ଝାମ୍ପି ନେଇ ଆଖି ପିଛୁଳାକେ ଫେରାର ହୋଇଯାଇଥଲେ । ଗୀତାଞ୍ଜଳି ଟାଉନ ଥାନାରେ ଏନେଇ ଅଭିଯୋଗ କରିଛନ୍ତି । ପୋଲିସ ସିସିଟିଭି ଫୁଟେଜ ଆଧାରରେ ତଦନ୍ତ ଆରମ୍ଭ କରିଛି । ପ୍ରକାଶ ଯେ, ତିନି ଦିନ ପୂର୍ବରୁ ଜଣେ ବେପାରୀଙ୍କ ପାଖରୁ ଦେଢ ଲକ୍ଷ ଟଙ୍କା ଲୁଟି ନେଇ ପଳାଇଥିଲା ଏକ ପଲସର ଗ୍ୟାଙ୍ଗ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
