କେନ୍ଦୁଝର: ବକେୟା ପେନସନ ପାଇ ଖୁସି ବ୍ୟକ୍ତ କଲେ ପଦ୍ମଶ୍ରୀ ଦୈତାରୀ ନାଏକ । ଗତକାଲି ସଂସ୍କୃତି ବିଭାଗ ପକ୍ଷରୁ ତାଙ୍କର ବକେୟା ପେନସନ ପ୍ରଦାନ କରାଯାଇଛି । ଏହାକୁ ନେଇ ସେ ଅତ୍ୟନ୍ତ ଖୁସି ଥିବାବେଳେ ଆଗାମୀ ଦିନ ଗୁଡିକ ଆନନ୍ଦରେ କଟିବ ବୋଲି ସେ ପ୍ରକାଶ କରିଛନ୍ତି । ଏପରିକି ତାଙ୍କ ଦୁଃଖକୁ ଗଣମାଧ୍ୟମରେ ପ୍ରସାରିତ ହେବା ପରେ ସରକାର ତୁରନ୍ତ ଶୁଣିଥିବାର ମଧ୍ୟ ସେ କହିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର
ସୂଚନାଯୋଗ୍ୟ, ପଦ୍ମଶ୍ରୀ ସମ୍ମାନ ମିଳିବା ପରେ ଜୁଲାଇ ମାସରେ ସରକାର ପ୍ରତିଟି ପଦ୍ମଶ୍ରୀ ଉପାଧିକାରୀଙ୍କୁ ମାସିକ 10 ହଜାର ପାରିତୋଷିକ ଦେବେ ବୋଲି ଘୋଷଣା କରିଥିଲେ । କିନ୍ତୁ ଗତ ତିନି ମାସ ଧରି ମାଉଣ୍ଟେନ ମ୍ୟାନଙ୍କୁ ଟଙ୍କା ମିଳିନଥିବାର ଖବର ଆମ ଇଟିଭି ଭାରତରେ ପ୍ରସାରଣ ହୋଇଥିଲା । ଯାହା ପରେ ନେଇ ସରକାରୀ ବିଭାଗରେ ତତ୍ପରତା ଦେଖାଦେବା ସହ ଘୋଷଣା ମୁତାବକ ସଂସ୍କୃତି ବିଭାଗ ପକ୍ଷରୁ 3 ମାସର ପେନସନ ଦିଆଯାଇଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
