କେନ୍ଦୁଝର: ପୁଣି କେନ୍ଦୁଝର ଜିଲ୍ଲାରେ ଆଉ ଏକ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଗୁରୁବାର ନୂଆ କୋରୋନା ଆକ୍ରାନ୍ତକୁ ମିଶାଇ ଜିଲ୍ଲାରେ ମୋଟ ଆକ୍ରାନ୍ତ ସଂଖ୍ୟା ୨୧ ରେ ପହଞ୍ଚିଛି ।
ଉକ୍ତ କରୋନା ଆକ୍ରାନ୍ତ ଉତ୍ତରପ୍ରଦେଶରୁ ଫେରିଥିବା ବେଳେ ଚମ୍ପୁଆ ଆଦର୍ଶ ବିଦ୍ୟାଳୟ ଟିଏମସିରେ କ୍ବାରେଣ୍ଟିନରେ ଥିଲେ । ଆକ୍ରାନ୍ତକୁ ନେଇ ଜିଲ୍ଲା ପ୍ରଶାସନ ଟ୍ୱିଟର ମାଧ୍ୟମରେ ସୂଚନା ଦେଇଛନ୍ତି ।
ଉକ୍ତ ଆକ୍ରାନ୍ତକୁ ଚିକିତ୍ସା ପାଇଁ କୋଭିଡ଼-19 ହସ୍ପିଟାଲକୁ ପଠାଯାଇଥିବା ବେଳେ ତାଙ୍କର କଣ୍ଟାକ୍ଟ ଟ୍ରେସିଂ ଚାଲିଛି । ଉକ୍ତ ଆଦର୍ଶ ବିଦ୍ୟାଳୟ ଅଞ୍ଚଳକୁ କଣ୍ଟେନମେଣ୍ଟ ଜୋନ ଭାବେ ଘୋଷଣା କରାଯାଇଥିବା ଟ୍ୱିଟର ମାଧ୍ୟମରେ ଜଣାଇଛି ଜିଲ୍ଲା ପ୍ରଶାସନ। ତେବେ ବର୍ତ୍ତମାନ ଜିଲ୍ଲାରେ ୭ ଜଣ କୋରୋନା ଆକ୍ରାନ୍ତ ସୁସ୍ଥ ହୋଇଥିବା ଜଣାପଡିଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
