କେନ୍ଦୁଝର: ଭୋଜି ଖାଇବା ହେଲା କାଳ। ବିଦ୍ୟୁତ ଆଘାତରେ ଜଣେ ୧୩ ବର୍ଷ ନାବାଳକର ମୃତ୍ୟୁ ହୋଇଛି। ଏଭଳି ଘଟଣା ଘଟିଛି କେନ୍ଦୁଝରର ଯୋଡ଼ା ଅଞ୍ଚଳରେ। ମୃତ ନାବାଳକ ଯୋଡ଼ା ହନୁମାନ ହଟିଂ ବାସିନ୍ଦା ମହାବୀର ପରିଚ୍ଛାଙ୍କ ପୁଅ ବିକି ପରିଚ୍ଛା।
ରବିବାର ରାତିରେ ଯୋଡ଼ା ପୌରପାଳିକା କଲ୍ୟାଣ ମଣ୍ଡପରେ ଏକ ବିବାହ ଭୋଜି ଚାଲିଥିଲା। ଏହି ସମୟରେ ହନୁମାନ ହଟିଂ ଅଞ୍ଚଳର କିଛି ପିଲା ସେଠାକୁ ଭୋଜି ଖାଇବାକୁ ଯାଇଥିଲେ। ବିକି କଲ୍ୟାଣ ମଣ୍ଡପ ଗେଟ ବାହାରେ ଭୋଜି ଖାଉଥିବା ସମୟରେ ହଠାତ ବିଦ୍ୟୁତ ସଂସ୍ପର୍ଶରେ ଆସିଯାଇଥିଲେ ଗୁରୁତର ଅବସ୍ଥାରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା। ହେଲ ଡାକ୍ତର ତାକୁ ମୃତ ଘୋଷଣା କରିଥିଲେ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର
କେଉଁ ପରିସ୍ଥିତିରେ ଓ କିପରି ବିକିକୁ ବିଦ୍ୟୁତ ଆଘାତ ଲାଗିଲା ଓ ଏଥିରେ କାହାରି ଅବହେଳା ଅଛି ନା ନାହିଁ ସେ ନେଇ ତଦନ୍ତ କରୁଛି ପୋଲିସ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
