ଆନନ୍ଦପୁର: ଜିଲ୍ଲା ଶୈଲଙ୍ଗ ଓଭରବ୍ରିଜ୍ ତଳେ କାମକରୁ ଥିବାବେଳେ ମାଟି ଅତଡ଼ା ଖସି ଚାପିହୋଇ ଶ୍ରମିକ ଗୁରୁତର । କେନ୍ଦୁଝର ଜିଲ୍ଲା ଘସିପୁରା ତହସିଲ ଶୈଳଙ୍ଗ ଠାରୁ ଦେଓଗାଁ ରାସ୍ତା ଶୈଲଙ୍ଗ ଓଭରବ୍ରିଜ ନିକଟରେ ଏକ ଠିକା ସଂସ୍ଥା ପକ୍ଷରୁ ପାଣି ପାଇପ ପାଇଁ ଗାତରେ କାର୍ଯ୍ୟକରୁ ଥିବାବେଳେ ମାଟି ଅତଡା ଖସି ଏପରି ଏକ ଅଘଟଣ ଘଟିଛି ।
ତେବେ ଘଟଣାସ୍ଥଳରେ ୩ ଜଣ କାର୍ଯ୍ୟ କରୁଥିଲେ । ଏହିସମୟରେ ଜଣଙ୍କ ଉପରେ ମାଟି ଅତଡ଼ା ଖସି ପଡିଥିଲା । ଯାହାଫଳରେ ଜଣେ ଚାପିହୋଇ ରହିଥିଲେ । ଖବର ପାଇ ଘସିପୁରା ଅଗ୍ନିସମ ବାହିନୀ ପହଞ୍ଚି ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଆନନ୍ଦପୁର ଉପଖଣ୍ଡ ମେଡିକାଲରେ ଭର୍ତ୍ତି କରିଛନ୍ତି । ଗୁରୁତର ଶ୍ରମିକ ଜଣକ ପଶ୍ଚିମବଙ୍ଗର ବୋଲି ଜଣାପଡିଛି, ତାଙ୍କ ନାମ ଅସମଲ ହାସିମ ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
