କେନ୍ଦୁଝର: ଜିଲ୍ଲା ପାଟଣା ଥାନା ଫୁଲପାହାଡଇ ଗ୍ରାମର ଭାଲୁଘରା ସାହିରେ ଅଭାବନୀୟ ଘଟଣା । ଗ୍ରାମର କାଦେ ମାଝୀ ନାମକ ଏକ ବୃଦ୍ଧଙ୍କୁ ସେହି ଗ୍ରାମର କିଛି ଲୋକ ପିଟିପିଟି ହତ୍ୟା କରିଛନ୍ତି । ଏ ନେଇ ମୃତକଙ୍କ ପୁଅ ଫାଗୁ ମାଝୀ ଅଭିଯୋଗ କରିଛନ୍ତି ।
ତେବେ ଏକ ବଳଦ କିଣାବିକାକୁ ନେଇ ଗ୍ରାମରେ ଗୁରୁବାରରେ ରାତିରେ ସଭା ବସିଥିଲା । ବଳଦକୁ ନେଇ କାଦେଙ୍କୁ ଗ୍ରାମବାସୀ ଟଙ୍କା ମାଗିଥିଲେ । ଗ୍ରାମବାସୀଙ୍କ ସର୍ତ୍ତ ମୁତାବକ 16 ହଜାର ଟଙ୍କା ମାଗିଥିଲେ । ମାତ୍ର ସେ 8 ହଜାର ଟଙ୍କା ଦେଇଥିଲେ । ଯାହାକୁ ନେଇ ଗ୍ରାମରେ ଏକ ସଭା ବସିଥିଲା । ଆଉ ସଭା ପରେ ତାଙ୍କୁ ପିଟି ପିଟି ହତ୍ୟା କରି ଘର ପାଖରେ ପକାଇ ଦେଇଥିବା ଅଭିଯୋଗ ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର
ସକାଳୁ ଘର ଲୋକେ ତାଙ୍କ ମୃତଦେହକୁ ଦେଖି ପୋଲିସକୁ ଖବର ଦେବା ପରେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
