ଆନନ୍ଦପୁର: କେନ୍ଦୁଝର ଜିଲ୍ଲା ଘସିପୁରା ଥାନା ଶୁଆପୁର ଗ୍ରାମରେ ଶୋଇବା ଘରୁ ଜଣେ ବୃଦ୍ଧା ଙ୍କ ମୃତଦେହ ଉଦ୍ଧାର ହୋଇଛି । ମୃତ ବୃଦ୍ଧା ଗାଁର ନାଗୀ ମୁର୍ମୁ ସବୁଦିନ ପରି ଶୁକ୍ରବାର ରାତିରେ ନିଜ କୋଠରୀରେ ଶୋଇଥିଲେ । ପୁଅ ବୋହୁ ମଧ୍ୟ ନିଜ କୋଠରୀରେ ଦୁଇ ପିଲାଙ୍କୁ ନେଇ ଶୋଇଥିଲେ ।
ହେଲେ ଶନିବାର ସକାଳୁ ପୁଅ ବୋହୁ ଉଠିବା ସମୟରେ ଶୋଇବାଘର କବାଟ କେହି ବାହାରପଟୁ ବନ୍ଦ କରିଦେଇଥିଲେ । ନିଜ କୋଠରୀ କବାଟ ଖୋଲିବା ପରେ ମାଆଙ୍କ କୋଠରୀରେ ଦେଖିବା ବେଳକୁ ବୃଦ୍ଧାଜଣଙ୍କ ମୃତ ଅବସ୍ଥାରେ ପଡିଥିଲେ ।
ପରେ ପୋଲିସକୁ ଏବାବଦରେ ଖବର ଦେବା ପରେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ବୃଦ୍ଧାଙ୍କୁ କେହି ଡାହାଣୀ ସନ୍ଦେହରେ ହତ୍ୟା କରିଥାଇପାରେ ବୋଲି ପରିବାର ଲୋକେ ସନ୍ଦେହ କରିଛନ୍ତି।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
