କେନ୍ଦୁଝର: ରୋଷେଇ କରୁଥିବାବେଳେ ଗ୍ୟାସ ସିିଲିଣ୍ଡରରେ ଲାଗିଲା ନିଆଁ । ଅଳ୍ପକେ ବର୍ତ୍ତିଲେ ପରିବାର ଲୋକ । କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ଅନ୍ତର୍ଗତ ରାଜନଗର ଗାଁରେ ଗୁରୁବାର ଘଟିଛି ଏହି ଅଘଟଣ ।
ରୋଷେଇ ବେଳେ ଫାଟିଲା ସିଲିଣ୍ଡର, ଅଳ୍ପକେ ବର୍ତ୍ତିଲେ ପରିବାର
ସୂଚନାଯୋଗ୍ୟ, ଗୁରୁବାର ରାତି ପ୍ରାୟ 8ଟା ସମୟରେ ରାଜନଗର ଗାଁର ପ୍ରଭାତ ରଣାଙ୍କ ପତ୍ନୀ ରୋଷେଇ କରୁଥିଲେ । ଏହି ସମୟରେ ଗ୍ୟାସ ସିଲିଣ୍ଡରରେ ହଠାତ ନିଆଁ ଲାଗି ଯାଇଥିଲା । ଯାହାକୁ ଦେଖି ପରିବାର ଲୋକେ ଭୟଭୀତ ହୋଇଯାଇଥିଲେ । ଏହାଦେଖି ଗାଁର କିଛି ଲୋକ ଗ୍ୟାସ ଟାଙ୍କିଟିକୁ ବାହାରକୁ ଆଣିଥିଲେ ଏବଂ ସେଠାରେ ଟାଙ୍କିଟି ଫାଟି ଯାଇଥିଲା । ଯଦ୍ବାରା ଏକ ବଡ ଅଘଟଣରୁ ଗୋଟିଏ ପରିବାର ଅଳ୍ପକେ ରକ୍ଷା ପାଇ ଯାଇଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
