କେନ୍ଦୁଝର: ଆଜି ଆନ୍ତର୍ଜାତିକ ଶ୍ରମିକ ଦିବସ । ଏହି ଦିବସଟି ଶ୍ରମିକ ମାନଙ୍କ ପାଇଁ ଉତ୍ସର୍ଗୀକୃତ କରିଛି ମିଳିତ ଜାତିସଂଘ । ଆଜିର ଦିବସକୁ ସାରା ଦେଶରେ ସରକାରୀ ଓ ବେସରକାରୀ ସଂଗଠନ ପକ୍ଷରୁ ଧୁମଧାମରେ ପାଳନ କରାଯାଉଛି । ଏହି ଦିବସକୁ ନିଆରା ଭାବେ ପାଳନ କରିଛନ୍ତି ଟିପିଏନଓଡିଏଲ(TPNODL) କର୍ମଚାରୀ ସଂଘ ।
ରକ୍ତଦାନ କରି ଶ୍ରମିକ ଦିବସ ପାଳିଲେ TPNODL କର୍ମଚାରୀ ସଂଘ
କର୍ମଚାରୀ ସଂଘ ପକ୍ଷରୁ କାର୍ଯ୍ୟାଳୟ ପରିସରରେ ଏକ ମେଗା ରକ୍ତଦାନ ଶିବିର ଆୟୋଜନ କରାଯାଇଛି । ବର୍ତ୍ତମାନ ଗ୍ରୀଷ୍ମ ପ୍ରକୋପ ବଢି ଚାଲିଥିବାବେଳେ ରକ୍ତ ଜନିତ ସମସ୍ୟା ସୃଷ୍ଟି ହୋଇଛି । ଏହି ରକ୍ତ ଜନିତ ସମସ୍ୟାକୁ ଲକ୍ଷ କରି ସଙ୍ଘ କର୍ମଚାରୀଙ୍କ ପକ୍ଷରୁ ମେଗା ରକ୍ତଦାନ ଶିବିର ଅନୁଷ୍ଠିତ ହୋଇଛି । କର୍ମଚାରୀ ସଂଘ ପକ୍ଷରୁ ଅନୁଷ୍ଠିତ ରକ୍ତଦାନ ଶିବିରକୁ ସାଧାରଣରେ ପ୍ରଶଂସା କରାଯାଇଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
