କେନ୍ଦୁଝର: ରୁଗୁଡ଼ି ପୋଲିସକୁ ସଫଳତା । ଧରାପଡ଼ିଲେ ମାଙ୍ଗାନିଜ ଚୋରା ଚାଲାଣ ଗ୍ୟାଙ୍ଗର ୮ ଜଣ । ଗିରଫ ଅଭଯୁକ୍ତ ମାନେ ପଶ୍ଚିମବଙ୍ଗକୁ ମାଙ୍ଗାନିଜ ଚୋରା ଚାଲାଣ କରୁଥିବା ଜଣାପଡିଛି ।
କେନ୍ଦୁଝର ଜିଲ୍ଲା ରୁଗୁଡ଼ି କାଟେସାହି ଜଙ୍ଗଲରୁ ଟ୍ରକରେ ମାଙ୍ଗାନିଜ ବୋଝେଇ କରି ଚୋରା ଚାଲାଣ କରାଯାଇଥିଲା । ଏହି ସମୟରେ ରୁଗୁଡ଼ି ପୋଲିସ ଅଚାନକ ଚଢ଼ାଉ କରି ଏମାନଙ୍କୁ ଧରିବାରେ ସକ୍ଷମ ହୋଇଛି । ଗିରଫ ଅଭିଯୁକ୍ତ ମାନଙ୍କ ନିକଟରୁ ୨ଟି ୧୨ ଚକିଆ ଟ୍ରକ, ଗୋଟିଏ ବୋଲେରୋ, ଗୋଟିଏ ବାଇକ ଓ ନଗଦ 1 ଲକ୍ଷ ଟଙ୍କା ଜବତ କରାଯାଇଛି । ସେହିପରି ଏମାନଙ୍କ ଠାରୁ ୮ଟି ମୋବାଇଲ ଫୋନ ମଧ୍ୟ ଜବତ କରିଥିବା ପୋଲିସ ସୂଚନା ଦେଇଛି ।
ଗିରଫ ଅଭିଯୁକ୍ତ ମାନେ ହେଲେ କେନ୍ଦୁଝର ଜିଲ୍ଲା କାଟେସାହିର ଓ ଝାଡଖଣ୍ଡ କିରିବୁରୁ ଅଞ୍ଚଳର ବୋଲି ଜଣାପଡିଛି । ଏମାନେ ରୁଗୁଡ଼ି ଅଂଚଳରୁ ଚୋରା ମାଙ୍ଗାନିଜ, ପଶ୍ଚିମବଙ୍ଗର ଆସୋନସଲ ଏବଂ ଦୁର୍ଗାପୁରକୁ ଚାଲାଣ କରୁଥିବା ପୋଲିସ ତଦନ୍ତରୁ ଜାଣିବାକୁ ପାଇଛି । ପୋଲିସ ଗିରଫ ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରିଛି ।
କେନ୍ଦୁଝରରେ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
