କେନ୍ଦୁଝର: ନ୍ୟାୟ ପାଇଁ ଧାରଣାରେ ବସିଲେ ଜିତେନ୍ଦ୍ର। ସୂଚନାନୁଯାୟୀ ହୋଟେଲରେ ଖାଇବା ପରେ ପାଞ୍ଚ ଟଙ୍କା ପାଇଁ ହୋଟେଲ ମାଲିକ ଗ୍ରାହକଙ୍କୁ ଅମାନୁଷିକ ଭାବେ ମାଡମରା ଘଟଣାର ଭିଡ଼ିଓ ଗତ ୧୧ତାରିଖରେ ଭାଇରଲ ହୋଇଥିଲା ।
ନ୍ୟାୟ ପାଇଁ ଏସପି ଅଫିସ ସମ୍ମୁଖରେ ଧାରଣାରେ ବସିଲେ ଜିତେନ୍ଦ୍ର
ଆଉ ଏହି ଘଟଣାରେ ଜଣେ ଗିରଫ ହୋଇଥିବାବେଳେ ଅଭିଯୁକ୍ତ ବିରୋଧରେ ଘସିପୁରା ପୁଲିସ ସଠିକ୍ ଦଫା ଲଗାଇ ନ ଥିବା ନେଇ ଅଭିଯୋଗ କରିଛନ୍ତି । ତେବେ କେନ୍ଦୁଝର ଜିଲ୍ଲା ଘସିପୁରା ଥାନା ଅନ୍ତର୍ଗତ ସରବାଲି ଗ୍ରାମର ଜିତେନ୍ଦ୍ର ଦେହୁରୀ ଆଜି(ବୁଧବାର) ଏସପି ଅଫିସ ଆଗରେ ଉପଯୁକ୍ତ ନ୍ୟାୟ ପାଇଁ ଧାରଣାରେ ବସିଛନ୍ତି ।
ଏହି ଘଟଣାରେ ଜିଲ୍ଲା ଆରକ୍ଷୀ ଅଧିକ୍ଷକ ସଠିକ ନ୍ୟାୟ ପ୍ରଦାନ ନକଲେ ଆତ୍ମାହୁତି ଦେବେ ବୋଲି ଜିତେନ୍ଦ୍ର ପ୍ରକାଶ କରିଛନ୍ତି । ଏନେଇ କୌଣସି ପୋଲିସ ଅଧିକାରୀଙ୍କ ପ୍ରତିକ୍ରିୟା ମିଳିପାରି ନାହିଁ ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
