ଆନନ୍ଦପୁର: ରାତି ଅଧିଆ ବେଧଡକ ମୋରମ ଚୋରା ଚାଲାଣ । ତହସିଲଦାରଙ୍କ କାର୍ଯ୍ୟାଳୟ ଠାରୁ ଅଳ୍ପ ଦୂରରେ ଚାଲିଛି ମୋରମ ଚୋରା ଚାଲାଣ । ରାଜସ୍ବ ବିଭାଗ ହାତବାନ୍ଧି ବସିଥିବା ବେଳେ ପୋଲିସ ଚଢ଼ାଉ ଜାରି ରଖିଛି ପୋଲିସ । ୩ ହାଇୱା ସମେତ ଗୋଟିଏ ପ୍ରୋକଲିନ ମେସିନକୁ ଜବତ କରିଛି ପୋଲିସ । ଏଭଳି ଘଟଣା ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡ ଅଞ୍ଚଳରେ ।
ବେଧଡକ ଚାଲିଛି ମୋରମ ଚୋରାଚାଲାଣ, ନିରବଦ୍ରଷ୍ଟା ସାଜିଛି ରାଜସ୍ବ ବିଭାଗ
ଘଷିପୁରା ତହସିଲ ଅନ୍ତର୍ଗତ ଚଉମୁହିଁ ଅଞ୍ଚଳର ଏକ ପଡିଆରୁ ARSS କମ୍ପାନୀ ରାଜସ୍ବ ବିଭାଗର ବିନା ଅନୁମତିରେ ରାତି ଅଧିଆ ଚୋରା ଚାଲାଣ କରୁଛି ମୋରମ । ଖବର ପାଇ ଘଷିପୁରା ଥାନାଧିକାରୀ ମନୋରଞ୍ଜନ ବିଷି ପୋଲିସ ଫୋର୍ସ ସହ ଚଢ଼ାଉ କରି ୩ଟି ହାଇୱା ସହ ଏକ ପ୍ରୋକଲିନ ମେସିନ ଜବତ କରିବା ସହ ସମସ୍ତ ଗାଡି ଗୁଡ଼ିକୁ ଘସିପୁରା ଥାନାରେ ଅଟକ ରଖି ଅଧିକ ତଦନ୍ତ ଚଳାଇଛି ।
ରାଜସ୍ୱ ବିଭାଗର ନିରବତାକୁ ନେଇ ସ୍ଥାନୀୟ ଅଞ୍ଚଳରେ ଅଧିକାରୀଙ୍କ କାର୍ଯ୍ୟକଳାପ ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
