ଆନନ୍ଦପୁର: କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡର ବିଭିନ୍ନ ଅଞ୍ଚଳରେ ବେଆଇନ ଭାବରେ ମାଙ୍କଡା ପଥର ଚାଲାଣ କାରବାର ବଢି ଚାଲିଥିଲା । ଏନେଇ ପୋଲିସ ଘଟଣାସ୍ଥଳରେ ଅଚାନକ ଚଢାଉ କରିଥିଲା । ଚଢାଉରେ ପାଞ୍ଚଟି ଟ୍ରାକ୍ଟର ସହ ଗୋଟିଏ ଜେସିବି ଜବତ ହୋଇଛି ।
ମାଙ୍କଡା ପଥର ଚାଲାଣ ବେଳେ ପୋଲିସର ଚଢାଉ
ବେଆଇନ ଭାବରେ ମାଙ୍କଡା ପଥର ଚାଲାଣ ହେଉଥିବା ନେଇ ବାରମ୍ବାର ଅଭିଯୋଗ ହୋଇଆସୁଥିଲା । ପୋଲିସ ଚାଲାଣକାରୀଙ୍କୁ ଧରିବା ପାଇଁ କିଛି ଦିନ ଦେବ ଯୋଜନା କରୁଥିଲା । ତେବେ ରବିବାର ରାତିରେ ଆନନ୍ଦପୁର ଉପଖଣ୍ଡରେ ମାଙ୍କଡା ପଥର କାରବାରର ଖବର ପାଇଥିଲା ପୋଲିସ ।
ସୂଚନାକୁ ଆଧାର କରି ଘଷିପୁରା ପୋଲିସ ଓ ରାମଚନ୍ଦ୍ରପୁର ପୋଲିସ ମିଳିତ ଭାବରେ ରାତି ଅଧିଆ ଚଢ଼ଉ କରିଥିଲେ । ଚଢାଉ କରି ମାଙ୍କଡା ପଥର କାଟୁଥିବା ଗୋଟିଏ ଜେସିବି ସହିତ ୫ ଟି ଟ୍ରାକ୍ଟରକୁ ଜବତ କରିଛି ପୋଲିସ । ଚୋରା ଚାଲାଣକୁ ରୋକିବାରେ ପୋଲିସ ସଫଳ ହୋଇଛି । ପୋଲିସର ଏପରି କାମକୁ ସ୍ଥାନୀୟ ଅଞ୍ଚଳରେ ପ୍ରଶଂସା କରାଯାଇଛି ।
ଆନନ୍ଦପୁରରୁ ସ୍ମୁତି ରଞ୍ଜନ ବିହାରୀ, ଇଟିଭି ଭାରତ
