ଆନନ୍ଦପୁର: ଘସିପୁରା ବ୍ଲକ କଂଗ୍ରେସ ସଭାପତିଙ୍କୁ ମରଣାନ୍ତକ ଆକ୍ରମଣ କଲେ କିଛି ଦୁର୍ବୃତ୍ତ । ରବିବାର ରାତି ୧୧ଟା ବେଳେ ଘଟିଛି ଏହି ଘଟଣା । ବ୍ଲକ କଂଗ୍ରେସ ସଭାପତି ସୁବ୍ରତ କୁମାର ଚକ୍ର ରାମଚନ୍ଦ୍ରପୁର ଥାନା ଓଡପଡାରୁ କାର୍ଯ୍ୟ ସାରି ଫେରୁଥିଲେ । ସେହି ସମୟରେ ସାଇଁପାଳ ନିକଟରେ ୪ ଜଣ ଦୁର୍ବୃତ୍ତ ତାଙ୍କୁ ମରଣାନ୍ତକ ଆକ୍ରମଣ କରିଥିବା ଅଭିଯୋଗ ହୋଇଛି ।
ପୂର୍ବତନ ଘସିପୁରା ବ୍ଳକ ଅଧ୍ୟକ୍ଷ ଓ ତରୁଆଁ ସରପଞ୍ଚ ବଳରାମ ବେହେରା ବ୍ଲକ କଂଗ୍ରେସ ସଭାପତି ସୁବ୍ରତ କୁମାର ଚକ୍ରଙ୍କୁ ଆକ୍ରମଣ କରାଯାଇଥିବା ଅଭିଯୋଗ ହୋଇଛି । ସାଇଁପାଳ ନିକଟରେ ବିଳମ୍ବିତ ରାତିରେ ୪ ଜଣ ଦୁର୍ବୃତ୍ତ ତାଙ୍କ ତାଙ୍କ ଗାଡ଼ିକୁ ଅଟକାଇବାକୁ ଚେଷ୍ଟା କରିଥିଲେ । କିନ୍ତୁ ସୁବ୍ରତ କୁମାରଙ୍କ ଡ୍ରାଇଭର ଗାଡ଼ି ସେଠାରେ ଗାଡ଼ି ଅଟକାଇ ନଥିଲେ । ଏହାପରେ ଦୁର୍ବୃତ୍ତମାନେ ବ୍ଲକ କଂଗ୍ରେସ ସଭାପତିଙ୍କ ଗାଡ଼ି ପିଛା କରିବାକୁ ଲାଗିଥିଲେ ।
ଗାଡ଼ି ଧରିବାରେ ବିଫଳ ହେବାରୁ ଦୁର୍ବୃତ୍ତମାନେ ବ୍ଲକ କଂଗ୍ରେସ ସଭାପତି ସୁବ୍ରତ କୁମାର ଚକ୍ରଙ୍କ ଗାଡ଼ି ଉପରକୁ ଟେକାପଥର ମାଡ଼ କରିଥିଲେ । ଏହାଫଳରେ ତାଙ୍କର ଗାଡ଼ି କାଚ ଭାଙ୍ଗି ଯାଇଥିବାବେଳେ ବର୍ତ୍ତମାନ ତାଙ୍କ ଜୀବନ ପ୍ରତି ବିପଦ ଥିବା କଥା କହିଛନ୍ତି । ଏହାକୁ ନେଇ ସେ ଘସିପୁରା ଥାନାରେ ଅଭିଯୋଗ କରିଛନ୍ତି ।
ସେପଟେ ସୁବ୍ରତ କୁମାର ଚକ୍ରଙ୍କ ଅଭିଯୋଗକୁ ଭିତ୍ତିହୀନ ବୋଲ କହିଛନ୍ତି ପୂର୍ବତନ ବ୍ଲକ ଅଧ୍ୟକ୍ଷ ଦେବାଶିଷ ପାତ୍ର ଏବଂ ତରୁଆଁ ସରପଞ୍ଚ ବଳରାମ ବେହେରା । ଏହି ଆକ୍ରମଣରେ ଦୁହିଁଙ୍କ କୌଣସି ସଂପୃକ୍ତି ନାହିଁ ବୋଲି ସଫେଇରେ କହିଛନ୍ତି ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
