କେନ୍ଦୁଝର: ଲାଇନଚ୍ୟୁତ ହେଲା ମାଲବାହୀ ଟ୍ରେନ । ଗୁରୁବାର କେନ୍ଦୁଝରଗଡ଼ ଷ୍ଟେସନ ନିକଟରେ ଆଇରନ ବୋଝେଇ ମାଲବାହୀ ଟ୍ରେନ ଲାଇନଚ୍ୟୁତ ହୋଇଛି । ଟ୍ରେନଟି ଆଇରନ ନେଇ ଜୁରୁଡିରୁ ପାରାଦ୍ବୀପ ବନ୍ଦର ଯାଉଥିବା ଜଣାପଡିଛି । ଏଥିରେ କାହାର କୌଣସି କ୍ଷତି ଘଟି ନଥିବାବେଳେ ରେଲଓ୍ବେ ବିଭାଗର ଅଧିକାରୀ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
ଲାଇନଚ୍ୟୁତ ହେଲା ମାଲବାହୀ ଟ୍ରେନ
ଟ୍ରେନଟି କେନ୍ଦୁଝରଗଡ଼ ଷ୍ଟେସନ ଭିତରେ ପଶୁଥିବାବେଳେ ଟ୍ରାକ ଚେଞ୍ଜ ବେଳକୁ ପଛ ଚାରୋଟି ବଗି ଲାଇନଚ୍ୟୁତ ହୋଇଥିଲା । ଲାଇନଚ୍ୟୁତ ବଗିକୁ ଟ୍ରାକରୁ ଓହ୍ଲାଇବାକୁ ଉଦ୍ୟମ ଚାଲିଛି । ତେବେ କିପରି ଏଭଳି ଘଟିଲା ସେନେଇ ତଦନ୍ତ ଚାଲିଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
