କେନ୍ଦୁଝର: ଅଗ୍ନିଶମ ସପ୍ତାହରେ ସଚେତନତା ଅଭିଯାନ ଆରମ୍ଭ । ଆଜି(ବୁଧବାର) ଠାରୁ ଅଗ୍ନିଶମ ସପ୍ତାହ ଆରମ୍ଭ କରାଯାଇଛି । ଏହି ସପ୍ତାହ ଆରମ୍ଭ ଉପଲକ୍ଷେ ବିଭାଗ ପକ୍ଷରୁ କେନ୍ଦୁଝର ସହର ପରିକ୍ରମା କରିବା ସହ ସଚେତନତା ଅଭିଯାନ କରାଯାଇଛି ।
କେନ୍ଦୁଝରରେ ଅଗ୍ନିଶମ ସପ୍ତାହ ଆରମ୍ଭ
ଗ୍ରୀଷ୍ମ ଦିନ ଥିବାରୁ ସାଧାରଣ ଲୋକେ କିପରି ଅଗ୍ନିକାଣ୍ଡରୁ ଦୂରେଇ ରହିବା ସହ ଏଥିରୁ କିପରି ରକ୍ଷା ପାଇ ପାରିବେ ବିଭାଗ ପକ୍ଷରୁ ମାଇକ ଦ୍ୱାରା ସଚେତନତା କରାଯାଇଛି । ତେବେ ଏହି କାର୍ଯ୍ୟକ୍ରମ ଆଜିଠାରୁ ଆରମ୍ଭ ହୋଇ ଆସନ୍ତା ୨୦ ତାରିଖ ସାତ ଦିନ ପର୍ଯ୍ୟନ୍ତ ଚାଲୁ ରହିବ । ଜିଲ୍ଲା ଅଗ୍ନିଶମ ଅଧିକାରୀ ଶଶାଙ୍କ ମହାପାତ୍ର ଏହି ଅଭିଯାନ ଆରମ୍ଭ କରି ଥିବାବେଳେ ବିଭାଗର କର୍ମଚାରୀମାନେ ଉପସ୍ଥିତ ରହି ସାଧାରଣ ଲୋକଙ୍କୁ ସଚେତନ କରିଥିଲେ ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
