କେନ୍ଦୁଝର: ଦିନକୁ ଦିନ ଧାନକିଣା ତାତି ବଢ଼ିବାରେ ଲାଗିଛି । ଆଉ ମଣ୍ଡିରୁ ବିଧାନସଭା ପର୍ଯ୍ୟନ୍ତ ଦେଖାଦେଇଛି ଏହାର ପ୍ରଭାବ । ତେବେ ଏହି ଧାନ କିଣାରେ ଅବ୍ୟବସ୍ଥା ନେଇ ଆଜି ଜାତୀୟ ରାଜପଥ ଅବରୋଧ କରିଛନ୍ତି ଚାଷୀ । କେନ୍ଦୁଝର ଜିଲ୍ଲା ତେଲକୋଇ ବ୍ଲକ ଅନ୍ତର୍ଗତ ଜାତୀୟ ରାଜପଥ ୪୯ ଜଗମୋହନପୁରଠାରେ ଚାଷୀ ରାସ୍ତା ଅବରୋଧ କରିଛନ୍ତି ।
ଧାନ କିଣାରେ ଅବ୍ୟବସ୍ଥା ନେଇ ରାସ୍ତା ଅବରୋଧ କଲେ ଚାଷୀ
ତେବେ ତେଲକୋଇ ଲ୍ୟାମ୍ପରେ ଧାନ କିଣାକୁ ନେଇ ଅବ୍ୟବସ୍ଥା ଅଭିଯୋଗ କରି ଧାନ ବସ୍ତା ରଖି ରାସ୍ତା ଅବରୋଧ କରିଛନ୍ତି ଚାଷୀ । ଏହି ରାସ୍ତା ଅବରୋଧ ଯୋଗୁଁ ରାସ୍ତାର ଦୁଇ ପାର୍ଶ୍ଵରେ ସହ ସହ ସଂଖ୍ୟାରେ ଗାଡି ଜମି ରହିଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
