କେନ୍ଦୁଝର: ଧାନର ଅଭାବୀ ବିକ୍ରି ନେଇ କୃଷକ ମୋର୍ଚ୍ଚାର ଜିଲ୍ଲାପାଳ ସମ୍ମୁଖରେ ବିକ୍ଷୋଭ । ସରକାର ଏମଏସପି ମୂଲ୍ୟରେ ଧାନ ବିକ୍ରି କରିବାକୁ ନିୟମ ଲାଗୁ କରିଛନ୍ତି । ଏହି ଧାନକୁ କିଣିବାକୁ ବିଭିନ୍ନ ଲ୍ୟାମ୍ପ ମଧ୍ୟ ସ୍ଥାପନ କରିଛନ୍ତି ସରକାର ।
କିନ୍ତୁ ଧାନ ବିକ୍ରି କରିବାକୁ ଚାଷୀ ଲ୍ୟାମ୍ପରେ ପହଞ୍ଚିଲା ବେଳକୁ ଧାନ ବିକ୍ରି କରି ପାରୁନଥିବା ଅଭିଯୋଗ ହେଉଛି । କେଉଁଠି ମାସ ଥାଇକି ଚାଷୀକୁ ଟୋକାନ ମିଳୁନି ତ ଆଉ କେଉଁଠି ଟୋକନ ଥାଇକି ଚାଷୀ ଧାନ ଧରିକି ଦିନ ଦିନ ଧରି ଲ୍ୟାମ୍ପ ଆଗରେ ଲାଇନ ଲଗାଇଛି।
ଚାଷୀଙ୍କ ଧାନର ଅଭାବୀ ବିକ୍ରି ନେଇ ବିଜେପି ସ୍ବରକୁ ଶାଣିତ କରିଛି । ସୋମବାର କେନ୍ଦୁଝର ବିଜେପି କୃଷକ ମୋର୍ଚ୍ଚା ପକ୍ଷରୁ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି। ଶତାଧିକ କର୍ମୀଙ୍କ ଗ୍ରହଣରେ ଆସି କୃଷକଙ୍କୁ ତାର ହକ ପ୍ରଦାନ ଦାବି କରିଥିଲେ ବିଜେପି ନେତା । ଯଥାଶୀଘ୍ର ଚାଷୀଙ୍କ ହକ ପ୍ରଦାନ ନକଲେ ଆନ୍ଦୋଳନକୁ ଜୋରଦାର କରାଯିବ ବୋଲି ବିଜେପି ପକ୍ଷରୁ ଚେତାବନୀ ଦିଆଯାଇଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
