କେନ୍ଦୁଝର: ଉତ୍ସବମୁଖର କେନ୍ଦୁଝରର ଅଧିଷ୍ଟାତ୍ରୀ ଦେବୀ ମା ତାରିଣୀଙ୍କ ଘଟଗାଁ ପୀଠ। ଧୂପ, ଦୀପ, କର୍ପୂର ବାସ୍ନାରେ ମହକି ଉଠୁଛି ମନ୍ଦିର । ଶଂଙ୍ଖ, ହୁଳହୁଳି, ଯୋଡି ନାଗରା ସାଙ୍ଗକୁ ମହୁରୀ ଶବ୍ଦରେ ଉଠୁଛି ପଡୁଛି ମନ୍ଦିର ବେଢା। ମା'ଙ୍କ ନିତୀ ପୂଜା ସହିତ ପୀଠରେ ଭାଗବତ ପାଠ, ଚଣ୍ଡି ପାଠ, ହୋମ ଯଜ୍ଞ ଓ ସତ୍ୟ ନାରାୟଣ ପୂଜା ଅନୁଷ୍ଠିତ ହୋଇଛି। କାରଣ ଆରମ୍ଭ ହୋଇଛି ମା'ତାରିଣୀଙ୍କ ୮୩ ତମ ଚଇତି ପର୍ବ।
ଭିଡିଓ ସୌଜନ୍ୟ:ସମ୍ବାଦଦାତା, କେନ୍ଦୁଝର
ଏହି ପର୍ବରେ ରାଜ୍ୟର ବିଭିନ୍ନ ପ୍ରାନ୍ତର ଶିଳ୍ପୀଙ୍କ କଳା ଓ ଲୋକ ନୃତ୍ୟ ପ୍ରଦର୍ଶିତ ହେବ ଏହାସହ ଭକ୍ତ ମାନଙ୍କୁ ପ୍ରସାଦ ସେବନ ବ୍ୟବସ୍ଥା କରାଯାଇଥିବା ସହ ପୀଠରେ ପ୍ରତ୍ୟକ ଦିନ ସାଂସ୍କୃତିକ କାର୍ଯ୍ୟକ୍ରମ ଓ ସଂନ୍ଧ୍ୟାରେ ଆଧ୍ୟାତ୍ମିକ ପ୍ରବାଚନ ଓ ବାଦି ପାଲା ଅନୁଷ୍ଠିତ ହେବ । ତେବେ ପ୍ରତ୍ୟେକ ବର୍ଷ ଏପ୍ରିଲ ମାସ ୯ ତାରିଖରୁ ୧୫ ପର୍ଯ୍ୟନ୍ତ ଏକ ସପ୍ତାହ ବ୍ୟାପୀ ଘଟଗାଁରେ ଚଇତି ପର୍ବ ମହାଆଡମ୍ବରରେ ପାଳିତ ହୋଇଥାଏ ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
