କେନ୍ଦୁଝର: ଚମ୍ପୁଆ ରେଞ୍ଜରେ ହାତୀ ଉପଦ୍ରଵ ଥମିବାରେ ନାଁ ଧରୁନି । ହାତୀ ପଲ ଏବେ ଏକ ମାସରୁ ଊର୍ଦ୍ଧ୍ବ ହେବ ଉଭୟ ବନ ବିଭାଗ ଓ ସ୍ଥାନୀୟ ଲୋକଙ୍କ ନିଦ ହଜାଇ ଦେଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର
ଶନିବାର ବିଳମ୍ବିତ ରାତିରେ ୨୨ ହାତୀପଲ ଚମକପୁର ଏବଂ ଲୁଣଗୋଠାଣି ଗ୍ରାମରେ ପଶିଯାଇ ୫ଟି ଘର ଭାଙ୍ଗି ଦେଇଛନ୍ତି । ହାତୀ ଆତଙ୍କ ନେଇ ଲୋକେ ଭୟଭୀତ ହୋଇପଡିଛନ୍ତି । ହାତୀ ପଲରେ ୬ଟି ଦନ୍ତା ସମେତ ୫ ଛୁଆ ଓ ୧୧ ମାଈ ହାତୀ ଥିବାବେଳେ ଏମାନେ ଏବେ ଲୁଣଗୋଠାଣି ନିକଟ କେସି ପ୍ରଧାନ ମାଇନ୍ସରେ ଥିବା ଜଣାପଡ଼ିଛି । ବନବିଭାଗ ହାତୀଙ୍କ ପଛେ ପଛେ ରହି ସେମାନଙ୍କ ଗତିବିଧି ଉପରେ ଲକ୍ଷ୍ୟ ରଖିଛି ।
ବନବିଭାଗ ହାତୀଙ୍କୁ ଘଉଡାଇବାକୁ ଚେଷ୍ଟା ଜାରି ରଖିଥିବାବେଳେ ଖୁବ ଶୀଘ୍ର ଏ ଅଞ୍ଚଳରୁ ହାତୀଙ୍କୁ ଘଉଡାଇବା ପାଇଁ ଦାବି ହେଉଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
