କେନ୍ଦୁଝର: ଥମିବାର ନାଁ ଧରୁନି ହାତୀ ଉପଦ୍ରବ। ହାତୀ ଆତଙ୍କରେ ଆତଙ୍କିତ ଗ୍ରାମବାସୀ । କିଛି ଦିନର ନୀରବତା ପରେ ପୁଣି ଦନ୍ତା ହାତୀ ତାର ଉତ୍ପାତ ଆରମ୍ଭ କରିଛି । ରବିବାର ରାତିରେ ଗାଁ ଭିତରକୁ ଗୋଟେ ହାତୀ ପଶି ଫସଲ ନଷ୍ଟ କରିଦେଇଛି । ଘଟଣା ଘଟିଛି କେନ୍ଦୁଝର ଜିଲ୍ଲା ବାମବାରି ଫରେଷ୍ଟ ସେକ୍ସନ ଅନ୍ତର୍ଗତ ନୟାଗଡ଼ ଓ କଟୁପାଲି ଅଞ୍ଚଳରେ।
ପୁଣି ହାତୀ ଉପଦ୍ରବ, ଭୟରେ ଗ୍ରାମବାସୀ
ଦନ୍ତାଟି ଉକ୍ତ ଅଞ୍ଚଳରେ ଥିବା ଧାନ ଫସଲ ଖାଇଯିବା ଜନବସତୀ ଆଡକୁ ମାଡି ଆସିଥିଲା । ଗ୍ରାମବାସୀ ମାନେ ହାତୀଟିକୁ ଘଉଡାଇବା ପାଇଁ ଚେଷ୍ଟା କରିଥିବା ବେଳେ ହାତୀଟି ଲୋକଙ୍କୁ ଓଲଟା ଆକ୍ରମଣ କରିବାକୁ ଉଦ୍ୟମ କରିଥିବା ଜଣାପଡ଼ିଛି । ଖବର ପାଇ ଜଙ୍ଗଲ ବିଭାଗ କର୍ମଚାରୀ ପହଞ୍ଚି ହାତୀକୁ ବିଲ ଭିତରୁ ଘଉଡାଇବା ପାଇଁ ଉଦ୍ୟମ କରିଥିଲେ ମଧ୍ୟ ବିଫଳ ହୋଇଥିଲେ । ହାତୀଙ୍କ ଲଗାତାର ଏଭଳି ଉତ୍ପାତରେ ଗ୍ରାମବାସୀ ସବୁବେଳେ ଭୟଭୀତ ରହୁଛନ୍ତି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
