କେନ୍ଦୁଝର: ରାଜ୍ୟରେ ଏବେ ଜାରି ରହିଛି ଲଘୁଚାପ ଜନିତ ବର୍ଷା । ଏହାର ପ୍ରଭାବରେ ଗତ ୨ଦିନ ହେବ କେନ୍ଦୁଝର ସହର ଓ ଆଖପାଖ ଅଞ୍ଚଳରେ ବର୍ଷା ଲାଗିରହିଛି । ତେବେ ପ୍ରବଳ ବର୍ଷା ଯୋଗୁଁ କେନ୍ଦୁଝର ସହରର ବିଭିନ୍ନ ୱାର୍ଡରେ ଏବେ ପାଣି ଜମିରହିଛି । ବିଶେଷ କରି ସହରର ୯ ନମ୍ବର ୱାର୍ଡ, ୧୦ ନମ୍ବର ୱାର୍ଡ ଗୁଡିକର ଅନେକ ଘର ଗୁଡିକରେ ବର୍ଷା ପାଣି ପଶି ଥିବା ବେଳେ ନାହିଁ ନଥିବା ଅସୁବିଧା ସମ୍ମୁଖୀନ ହେଉଛନ୍ତି ୱାର୍ଡ ବାସିନ୍ଦା ।
ଏଥିରେ ଅତିଷ୍ଟ ହୋଇ ୱାର୍ଡର ବାସିନ୍ଦା ମାନେ ଆଜି କେନ୍ଦୁଝର ଗଡ଼ ପୌରପାଳିକା କାର୍ଯ୍ୟାଳୟ ଘେରାଉ କରିଥିଲେ । କାର୍ଯ୍ୟାଳୟ ଘେରାଉ କରିବା ସହ ଗେଟ ବନ୍ଦ କରି ବସି ରହିଥିଲେ ୱାର୍ଡବାସୀ । ୱାର୍ଡ ଗୁଡିକରୁ ପାଣି ନିଷ୍କାସନ ନହେବା ପର୍ଯ୍ୟନ୍ତ ଏଭଳି ଗେଟ ବନ୍ଦ କରି ରହିବେ ବୋଲି ୱାର୍ଡବାସୀ ଅଡ଼ି ବସିଥିଲେ । ଏନେଇ ପୌରପାଳିକାର କୌଣସି ଅଧିକାରୀଙ୍କ ପ୍ରତିକ୍ରିୟା ମିଳିପାରି ନଥିବା ବେଳେ ୱାର୍ଡ ଗୁଡିକରୁ ପାଣି ଦମକଳ ବାହିନୀ ଦ୍ୱାରା ନିଷ୍କାସନ କରାଯାଇଥିବା ଜଣାପଡିଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
