କେନ୍ଦୁଝର: କେନ୍ଦୁଝର ଜିଲ୍ଲା ତେଲକୋଇ ଥାନା କରଦାଙ୍ଗି ଘୋଡାବେଡା ସାହିରେ ଘଟିଛି ଅଘଟଣ । ଜମିବାଡ଼ି ବିବାଦକୁ ନେଇ ଦେଢଶୁରର ଟାଙ୍ଗିଆ ଚୋଟରେ ଭାଇବୋହୂ ଗୁରୁତର ଆହତ ହୋଇଛନ୍ତି ।
ଦେଢଶୁରର ଟାଙ୍ଗିଆ ଚୋଟରେ ଭାଇବୋହୂ ଗୁରୁତର
ଆଜି ଅପରାହ୍ନ ସମୟରେ ଜମିରେ ଥିବା ମହୁଲ ଗଛରୁ ମହୁଲ ସଂଗ୍ରହ ପାଇଁ ଅବଳା ଯାଇଥିଲେ । ଏହି ସମୟରେ ଗଛରୁ ମହୁଲ ତୋଳିବା ବେଳେ ଦେଢଶୂର ରବି ନାଏକ ବିରୋଧ କରିବା ସହ ଟାଙ୍ଗିଆରେ ଆକ୍ରମଣ କରିଥିଲେ । ଫଳରେ ଅବଳାଙ୍କ ମୁଣ୍ଡରେ ଗୁରୁତର କ୍ଷତ ସୃଷ୍ଟି ହୋଇଛି । ଗୁରୁତର ଭାଇବୋହୂ ଅବଳା ନାଏକ ତେଲକୋଇ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ଏନେଇ ତେଲକୋଇ ଥାନାରେ କୌଣସି ଅଭିଯୋଗ ବର୍ତ୍ତମାନ ସୁଦ୍ଧା ହୋଇନଥିବା ଜଣାପଡିଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
