କେନ୍ଦୁଝର: କୋରୋନା ରୋଗୀଙ୍କ ସମ୍ପର୍କୀୟଙ୍କୁ ଶୁଖିଲା ଖାଦ୍ୟ ବଣ୍ଟନ । ଯୁବ ବିଜେଡି ଉପ-ସଭାପତି ସୌମ୍ୟଶଙ୍କର ଚକ୍ରଙ୍କ ନେତୃତ୍ବରେ ଏକ ଟିମ ପକ୍ଷରୁ ରାଙ୍କି ସ୍ଥିତ କୋରୋନା ଚିକିତ୍ସାଳୟ ସମ୍ମୁଖରେ ଅପେକ୍ଷାରତ କୋରୋନା ଆକ୍ରାନ୍ତଙ୍କ ସମ୍ପର୍କୀୟଙ୍କୁ ଖାଦ୍ୟ ବଣ୍ଟା ଯାଇଛି । ଏହି ଟିମ ଶୁଖିଲା ଖାଦ୍ୟ, ପାନୀୟଜଳ ଓ ଥଣ୍ଡା ପାନୀୟ ବଣ୍ଟନ ସହ ଆକ୍ରାନ୍ତଙ୍କ ସ୍ଵାସ୍ଥ୍ୟବସ୍ଥା ସମ୍ପର୍କରେ ପଚାରି ବୁଝିଛନ୍ତି।
ବୁଧବାର ଜିଲ୍ଲା ବିଜେଡି ପକ୍ଷରୁ ଚିକିତ୍ସାଳୟ ପରିଦର୍ଶନ ସମୟରେ ସେଠାରେ ଉପସ୍ଥିତ ଥିବା ଆକ୍ରାନ୍ତଙ୍କ ସମ୍ପର୍କୀୟ ଖାଦ୍ୟାଭାବ ଶିକାର ହେବା ଉପଲବ୍ଧ କରି ରାଜ୍ୟ ଯୁବ ବିଜେଡି ଉପ-ସଭାପତି ଚକ୍ରଙ୍କ ପକ୍ଷରୁ ଆକ୍ରାନ୍ତ ସମ୍ପର୍କୀୟଙ୍କୁ ବିସ୍କୁଟ, ପାନୀୟଜଳ ଆଦି ବଣ୍ଟନ କରାଯାଇଥିଲା ।
ବିଶେଷକରି ପ୍ରବଳ ଗ୍ରୀଷ୍ମପ୍ରବାହ ଯୋଗୁଁ ଲୋକେ ପାନୀୟ ଜଳର ଅଭାବକୁ ଅପେକ୍ଷାରତ ସମ୍ପର୍କୀୟ ଅନୁଭବ କରୁଥିବା ବେଳେ ଚକ୍ରଙ୍କ ଏହି ଉଦ୍ୟମକୁ ପ୍ରଶଂସା କରିଥିଲେ । ଏଥିସହ ଚିକିତ୍ସିତଙ୍କୁ ଭଲ ଚିକିତ୍ସା ଯୋଗାଇ ଦିଆଯିବା ସହ ଆବଶ୍ୟକ ସ୍ଥଳେ ସହଯୋଗ କରାଯିବ ବୋଲି ଯୁବ ବିଜେଡି ପକ୍ଷରୁ କୁହାଯାଇଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
