କେନ୍ଦୁଝର: ଚୋରା ମଦ ମାଫିଆମାନଙ୍କୁ ବେଶ ସୁହାଉଛି ଲକ ଡାଉନ। ଏହି ସୁଯୋଗର ଫାଇଦା ନେଇ କେନ୍ଦୁଝର ଜିଲ୍ଲାର ବିଭିନ୍ନ ମଦ ଭାଟି କରି ମଦର ବନ୍ୟା ସୃଷ୍ଟି କଲେଣି । ଘଟଗାଁ, ପାଟଣା ଓ ସାହରପଡା ବ୍ଲକର ବହୁ ଗାଁରେ ଚାଲିଛି ଚୋରା ମଦ ତିଆରି । ଖବର ପାଇ ଢେଙ୍କିକୋଟ ଫାଣ୍ଡି ଅଞ୍ଚଳର 15ଟି ଗାଁରେ ଚଢାଉ କରିଛି ପୋଲିସ ।
ଚୋରା ମଦ ଭାଟିକୁ ଭାଙ୍ଗି ପୋଚ ନଷ୍ଟ କରିଥିବା ଜଣାପଡିଛି । ଆଜି ଧୋବାପିଟଣା ଗାଁର ମହିଳା ଗୋଷ୍ଠୀଙ୍କ ଠାରୁ ଖବର ପାଇ ଢେଙ୍କିକୋଟ ଫାଣ୍ଡି ଅଧିକାରୀ ଧୋବାପିଟଣା ନାଳକୂଳେ ଚାଲିଥିବା ମଦ ଭାଟିରେ ଚଢାଉ କରିଥିଲା । ଯେଉଁଥିରେ ୩ କ୍ବିଣ୍ଟାଲ ପୋଚ ନଷ୍ଟ କରିଥିବା ଜଣାପଡିଛି । ଏହି ପୋଚ ନଷ୍ଟ କରିବା ସହ ଏଥିରେ ବ୍ୟବହୃତ ବହୁ ଜିନିଷ ଜବତ କରିଛି ପୋଲିସ ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
