କେନ୍ଦୁଝର:ନେତାଜୀ ସୁଭାଷ ବୋଷଙ୍କ ୧୨୫ ତମ ଜନ୍ମ ଜୟନ୍ତୀରେ କେନ୍ଦୁଝର ୧୪ ଏନସିସି ଓଡିଶା ବାଟାଲିୟନ ପାଳନ କରାଯାଇଛି । ଏହି ଅବସରରେ ସକାଳୁ ସ୍ଥାନୀୟ ଧରଣୀଧର ସ୍ବୟଂ ଶାସିତ ମହାବିଦ୍ୟାଳୟ ପରିସରରୁ ଏକ ସାଇକେଲ ରାଲିର ଆୟୋଜନ କରାଯାଇଥିଲା ।
ନେତାଜୀଙ୍କ ଜୟନ୍ତୀ ଅବସରରେ କେନ୍ଦୁଝରରେ ସାଇକେଲ ରାଲି
ଉକ୍ତ ସାଇକେଲ ରାଲିରେ ଧରଣୀଧର ସ୍ବୟଂ ଶାସିତ ମହାବିଦ୍ୟାଳୟ ସହ ବିଭିନ୍ନ ବିଦ୍ୟାଳୟର ଏନସିସି କ୍ୟାଡଟମାନେ ଯୋଗ ଦେଇଥିଲେ । ସାଇକେଲରେ ସହର ପରିକ୍ରମା କରି ଫିଟ ଇଣ୍ଡିଆର ସନ୍ଦେଶ ଦେଇଥିଲେ । ଉକ୍ତ କାର୍ଯ୍ୟକ୍ରମରେ ୧୪ ଏନସିସି ବାଟାଲିୟନ ସହ ପୂର୍ବତନ ସୈନିକ ସଙ୍ଘର କର୍ମକର୍ତ୍ତା ଓ ମହାବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ ସହଯୋଗ କରିଥିଲେ ।
ମୋଦି ସରକାର ଯୁବ ପିଢ଼ି ସୁସ୍ଥ ରହିବା ପାଇଁ ଆହ୍ବାନ ଦେଉଛନ୍ତି । ଯୁବ ପିଢ଼ି ଫିଟ ରହିଲେ ଦେଶ ଫିଟ ରହିବ । ଯୁବ ପିଢ଼ି ଫିଟ ରହିବା ପାଇଁ ବିଭିନ୍ନ କାର୍ଯ୍ୟକ୍ରମ ଆୟୋଜନ କରୁଛନ୍ତି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
