କେନ୍ଦୁଝର: ବଡବିଲରେ ଟ୍ରକ ମାଲିକ ସଂଘ ଓ ମାଇନିଙ୍ଗ ଏରିଆ ଟ୍ରକ ଓନର ଆସୋସିଏସନରେ ବିବାଦରେ ଦୁଇ ଗୋଷ୍ଠୀ ମୁହାମୁହିଁ ହୋଇଛନ୍ତି । ଏନେଇ ଉଭୟ ପକ୍ଷରୁ ଥାନାରେ ଅଭିଯୋଗ ହେବା ପରେ ବଡ଼ବିଲ ପୋଲିସ ୪ ଜଣଙ୍କୁ ଅଟକ ରଖି ପଚରାଉଚରା ଜାରି ରଖିଛି ।
ସୁଚନାମୁତାବକ, ମଙ୍ଗଳବାର ସଂଧ୍ୟାରେ ଆସୋସିଏସନ କାର୍ଯ୍ୟାଳୟରେ ଲୋଡ଼ିଂ ପାଇଁ ଡାକରା ହେବାକୁ ଥିଲା, ମାତ୍ର ସେହି ସମୟରେ ଦୁଇ ଗୋଷ୍ଠୀଙ୍କ ମଧ୍ୟରେ କଥା କଟାକଟି ହୋଇ ମୁହାଁମୁହିଁ ହୋଇଥିଲେ । ବୁଧବାର ମଧ୍ୟ ଆସୋସିଏସନ କାର୍ଯ୍ୟାଳୟ ପରିସରରେ ଭତ୍ତେଜନା ପ୍ରକାଶ ପାଇଥିଲା ।
ଖବରପାଇ ବଡ଼ବିଲ ଏସଡ଼ିପିଓ, ଆଇଆଇସି, ପୋଲିସ ଅଧିକାରୀ ଓ କର୍ମଚାରୀ ଘଟଣାସ୍ଥଳରେ ପହଞ୍ଚି ଉଭୟ ପକ୍ଷଙ୍କ ସହ ଆଲୋଚନା କରି ସ୍ଥିତି ନିୟନ୍ତ୍ରଣକୁ ଆଣିବାକୁ ଚେଷ୍ଟା ଚଳାଇଥିଲେ । ଉତ୍ତେଜନାକୁ ଦୃଷ୍ଟିରେ ରଖି ସେଠାରେ ପୋଲିସ ଫୋର୍ସ ମୁତୟନ ରହିଛି । ତେବେ ଆସୋସିଏସନକୁ ନିଜ ଅକ୍ତିଆରରେ ରଖିବା ପାଇଁ ଏଭଳି ଗୋଷ୍ଠୀ ବିବାଦ ସୃଷ୍ଟି ହେଉଥିବା ଆଲୋଚନା ହେଉଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
