କେନ୍ଦୁଝର: କୋଭିଡ଼ ୧୯ ପାଇଁ ସାରା ବିଶ୍ବ ଏବେ ପ୍ରଭାବିତ । ଏଥିପାଇଁ ସରକାର ସାରା ଦେଶକୁ ଲକ ଡାଉନ ଘୋଷଣା କରିଛନ୍ତି । ଏହି ଲକ ଡାଉନ ଯୋଗୁଁ ସମସ୍ତ କାର୍ଯ୍ୟ ବନ୍ଦ ହୋଇଛି । ହେଲେ ଏଥିରେ ଅଧିକ ପ୍ରଭାବିତ ହୋଇଛନ୍ତି ଶ୍ରମିକ ଓ ଖଟିଖିଆ । କାର୍ଯ୍ୟ କ୍ଷେତ୍ରରେ ଶ୍ରମିକମାନେ 12 ଘଣ୍ଟା କାର୍ଯ୍ୟ କରିବାକୁ ନେଇ ବୋଲି ସରକାର ନେଇଥିବା ନିଷ୍ପତ୍ତିକୁ ବିରୋଧ କରାଯାଇଛି ।
୧୫ ଦଫା ଦାବିପତ୍ର କେନ୍ଦୁଝର ଜିଲ୍ଲାପାଳଙ୍କ ମାଧ୍ୟମରେ ମୁଖ୍ୟମନ୍ତ୍ରୀଙ୍କୁ ପ୍ରଦାନ କଲା CITU
CITU ଦାବି କରିଛି ଯେ କୋରୋନାକୁ ନେଇ ଦେଶରେ ଯେଉଁଭଳି ପରିସ୍ଥିତି ଉପୁଜିଛି ଏହି କ୍ଷେତ୍ରରେ ଶ୍ରମିକମାନକୁ ଆର୍ଥିକ ସାହାଯ୍ୟ ଯୋଗାଇ ଦିଆଯାଉ । ଶ୍ରମିକଙ୍କୁ ଅଧିକ କାର୍ଯ୍ୟ ନ କରିବାକୁ CITU ପକ୍ଷରୁ ଦାବି କରାଯାଇଛି । ଏହି ଶ୍ରମିକଙ୍କ ହକ ଓ କେନ୍ଦ୍ର ସରକାରଙ୍କ ନୂତନ ଆଇନ ବିରୁଦ୍ଧରେ CITU ପକ୍ଷରୁ ଦାବି ଦିବସ ପାଳନ କରାଯାଇଛି । ୧୫ ଦଫା ଦାବି ସମ୍ବଳିତ ଏକ ଦାବିପତ୍ର କେନ୍ଦୁଝର ଜିଲ୍ଲାପାଳଙ୍କ ମାଧ୍ୟମରେ ମୁଖ୍ୟମନ୍ତ୍ରୀଙ୍କୁ ପ୍ରଦାନ କରାଯାଇଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
