ଆନନ୍ଦପୁର: ପୁତୁରାର ମରଣାନ୍ତକ ଆକ୍ରମଣରେ ବଡମା' ଗୁରୁତର । କେନ୍ଦୁଝରର ଘସିପୁରା ଥାନା ଅଧିନସ୍ଥ ଭାଟିସିରା ଗାଁରେ ଏଭଳି ଘଟଣା ଦେଖିବାକୁ ମିଳିଛି । ଜମିବାଡି ବିବାଦକୁ ନେଇ ହୋଇଥିବା ମରଣାନ୍ତକ ଆକ୍ରମଣରେ ଜଣେ ମହିଳା ଗୁରୁତର ହୋଇଛନ୍ତି | ପରିବାର ଲୋକଙ୍କ ସହାୟତାରେ ତାଙ୍କୁ ଆନନ୍ଦପୁର ମେଡିକାଲରେ ଭର୍ତ୍ତି କରାଯାଇଛି ।
ପୁତୁରାର ମରଣାନ୍ତକ ଆକ୍ରମଣରେ ବଡମା' ଗୁରୁତର
ଘସିପୁରା ଥାନା ଅଧିନସ୍ଥ ଭାଟିସିରା ଗାଁର ବୁଦ୍ଧଦେବ ଓଝାଙ୍କ ସ୍ତ୍ରୀ ପାଗଳି ଓଝା ଆଜି ସକାଳୁ ନିଜ ଘର ସାମ୍ନାରେ ଠିଆ ହୋଇଥିବା ବେଳେ ତାଙ୍କ ପୁତୁରା ଚନ୍ଦନ ହଠାତ ଏକ ଧାରୁଆ କାତିରେ ଆକ୍ରମଣ କରିଥିଲା | ପୂର୍ବରୁ ଥିବା ଜମିବାଡି ବିବାଦକୁ ନେଇ ଏପରି ଆକ୍ରମଣ ହୋଇଛି | ପରିବାର ଲୋକଙ୍କ ଦ୍ବାରା ଘସିପୁରା ଥାନାରେ ଏନେଇ ଲିଖିତ ଅଭିଯୋଗ ପରେ ପୋଲିସ ତଦନ୍ତ ଜାରି ରହିଛି|
ଆନନ୍ଦପୁରରୁ ସ୍ମୃତିରଞ୍ଜନ ବିହାରୀ, ଇଟିଭି ଭାରତ
