କେନ୍ଦୁଝର : କେନ୍ଦୁଝର ଜିଲ୍ଲାରେ ହାତୀ ମୃତ୍ୟୁ ସଂଖ୍ୟା କମିବାରେ ନାଁ ନେଉନାହିଁ । କେବେ ଶିକାରୀ ଆକ୍ରମଣରେ ତ କେତେବେଳେ ଦୁର୍ଘଟଣାରେ ହାତୀ ମୃତ୍ୟୁ ଘଟୁଛି । ପୁଣି ଏକ ହାତୀ ଛୁଆର ମୃତ୍ୟୁ ହୋଇଛି ।
କେନ୍ଦୁଝରରେ ପୁଣି ଏକ ହାତୀ ଛୁଆ ମୃତ
କେନ୍ଦୁଝର ବନଖଣ୍ଡ ଅନ୍ତର୍ଗତ ବିଜେପି ରେଞ୍ଜ ଯାତ୍ରା ପଞ୍ଚାୟତର ନାଡାପାଣି ଗ୍ରାମ ନିକଟସ୍ଥ ବିଲରେ ଏହି ଘଟଣା ହୋଇଥିବା ଜଣାପଡିଛି । ଉକ୍ତ ଅଞ୍ଚଳରେ ୯ ଜଣିଆ ହାତୀ ପଲ ଥିବାବେଳେ ଆଜି ସକାଳୁ ଏହି ହାତୀ ଛୁଆର ମୃତ୍ୟୁ ହୋଇଥିବା ଜଣାପଡ଼ିଛି ।
ହାତୀ ଛୁଆଟିର ବୟସ ଦୁଇ ବର୍ଷ ହେବ ବୋଲି ଜଣାପଡ଼ିଛି । ଖବରପାଇ ବନଖଣ୍ଡ ଅଧିକାରୀ, ରେଞ୍ଜର ପହଁଞ୍ଚିଥିବା ଜଣାପଡ଼ିଛି । କେଉଁ କାରଣରୁ ହାତୀ ଛୁଆଟିର ମୃତ୍ୟୁ ହୋଇଛି ଆସନ୍ତା କାଲି ବ୍ୟବଛେଦ ପରେ ଜଣାପଡିବ ବୋଲି ବିଜେପି ରେଞ୍ଜର ପ୍ରକାଶ କରିଛନ୍ତି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
