ଫନି ତାଣ୍ଡବ: କେନ୍ଦୁଝରରେ ଗଛ ପଡି ଜଣେ ମୃତ

କେନ୍ଦୁଝର ଜିଲ୍ଲା ସମଣା ପଞ୍ଚାୟତର ଆଗିରିଆ ଗାଁରେ ଗଛ ପଡି ଜଣଙ୍କର ମୃତ୍ୟୁ ଘଟିଥିବା ଜଣାପଡିଛି ।

ଆନନ୍ଦପୁର: ଓଡିଶାରେ ତାଣ୍ଡବ ରଚି ପଶ୍ଚିମବଙ୍ଗ ଚାଲିଯାଇଛି ପ୍ରଳୟଙ୍କାରୀ ବାତ୍ୟା ଫନି । ଫନି ପ୍ରଭାବରେ ଅନେକ ମୃତାହତ ଘଟଣା ସାମ୍ନାକୁ ଆସିବାରେ ଲାଗିଛି । କେନ୍ଦୁଝର ଜିଲ୍ଲାର ସମଣା ପଞ୍ଚାୟତର ଆଗିରିଆ ଗାଁରେ ମଧ୍ୟ ଫନି ଯୋଗୁଁ ଜଣେ ବ୍ୟକ୍ତି ପ୍ରାଣ ହରାଇଥିବା ଜଣାପଡିଛି ।

ମୃତକ ହେଲେ ଭଗବାନ ଜେନା । ସେ ଶୌଚ ହେବା ପାଇଁ ଯାଇଥିବାବେଳେ ତାଙ୍କ ଉପରେ ଗଛ ପଡିଯାଇଥିଲା । ଫଳରେ ତାଙ୍କର ମୃତ୍ୟୁ ଘଟିଥିବା ସମ୍ପର୍କୀୟ କହିଛନ୍ତି । ଏହାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।

ଆନନ୍ଦପୁରରୁ ସ୍ମୃତିରଞ୍ଜନ ବିହାରୀ, ଇଟିଭି ଭାରତ