କେନ୍ଦୁଝର: ଜିଲ୍ଲା ବଡ଼ବିଲ ଥାନା ହାଜତରେ ହତ୍ୟା ଅଭିଯୁକ୍ତ ଆତ୍ମହତ୍ୟା ଉଦ୍ୟମ କରିଥିବାବେଳେ ତାଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି । ଏନେଇ ପୋଲିସ ତଦନ୍ତ ଆରମ୍ଭ କରିଛି ।
ହାଜତରେ ହତ୍ୟା ଅଭିଯୁକ୍ତର ଆତ୍ମହତ୍ୟା, ତଦନ୍ତ ଆରମ୍ଭ
ସୂଚନାନୁଯାୟୀ, ଗତ ୧୮ ତାରିଖରେ କେନ୍ଦୁଝର ସେଡିଂ ବସ୍ତିରେ ରହୁଥିବା ସୁରେଶ ନାଏକ ତା ସ୍ତ୍ରୀକୁ ପିଟିପିଟି ହତ୍ୟା କରିବା ଅଭିଯୋଗରେ ସୁରେଶକୁ ବଡ଼ବିଲ ପୋଲିସ ଗିରଫ କରିଥିଲା । ସେ ହାଜତରେ ଥିବା ସମୟରେ ଆଜି ( ଗୁରୁବାର) ଗାମୁଛା ଲଗାଇ ଆତ୍ମହତ୍ୟା ଉଦ୍ୟମ କରିଥିଲା । ପରେ ତାଙ୍କୁ ବଡ଼ବିଲ ସରକାରୀ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ତେବେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ଏହାକୁ ତଦନ୍ତ କରିବା ପାଇଁ IUCAWର ଏଏସପିଙ୍କୁ ଦାୟିତ୍ବ ଦେଇଥିବା କେନ୍ଦୁଝର ଏସପି ମିତ୍ରଭାନୁ ମହାପାତ୍ର କହିଛନ୍ତି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
