ଆନନ୍ଦପୁର: କେନ୍ଦୁଝର ଜିଲ୍ଲାର ଆନନ୍ଦପୁର ବେଲବାହାଳି ଗ୍ରାମରୁ ଜବତ ହୋଇଛି 100ରୁ ଊର୍ଦ୍ଧ୍ବ ମେଡିସିନ ଷ୍ଟ୍ରିପ। ସ୍ଥାନୀୟ ଲୋକେ ଏକ ଗଛ ତଳେ ପଡିଥିବା ନେଇ ଅତିରିକ୍ତ ଜିଲ୍ଲା ଚିକିତ୍ସା ଅଧିକାରୀଙ୍କୁ ସୂଚନା ଦେଇଥିଲେ। ଚିକିତ୍ସାଧିକାରୀଙ୍କ ସୂଚନାକ୍ରମେ ଫକୀରପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ଡାକ୍ତର ଓ କର୍ମଚାରୀ ଆସି ଘଟଣାର ତଦନ୍ତ କରୁଛନ୍ତି।
ଭିଡିଓ ସୌଜନ୍ୟ: ପ୍ରତିନିଧି, ଆନନ୍ଦପୁର
ଏହି ମେଡିସିନଗୁଡିକ ବିଦ୍ୟାଳୟର ପିଲାଙ୍କୁ ଦେବା ପାଇଁ ବିଦ୍ୟାଳୟ କର୍ତ୍ତୃପକ୍ଷଙ୍କୁ ଦିଆଯାଇଥିବାର ପ୍ରାଥମିକ ତଦନ୍ତରୁ ଜଣାପଡିଛି। ଏଥିସହ ଏହି ମେଡିସିନ ଗୁଡିକର ଅବଧି ସରିନଥିବାର ମଧ୍ୟ କହିଛନ୍ତି ତଦନ୍ତକାରୀ। ସେପଟେ ଏହାର ଉଚ୍ଚସ୍ତରୀୟ ତଦନ୍ତକରି ଦୋଷୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଦାବି କରିଛନ୍ତି ସ୍ଥାନୀୟ ବାସିନ୍ଦା।
ଆନନ୍ଦପୁରରୁ ସ୍ମୃତିରଞ୍ଜନ ବିହାରୀ, ଇଟିଭି ଭାରତ
