ଆନନ୍ଦପୁର: ସାପ ଧରି ଖେଳାଇବା ହେଲା କାଳ । କେନ୍ଦୁଝର ଆନନ୍ଦପୁର ଥାନା ଶାଳବଣି ଗାଁରେ ସାପଧରି ଖେଳାଉ ଥିବା ଜଣେ ଯୁବକଙ୍କୁ ସାପ କାମୁଡିବାରୁ ତାଙ୍କର ମୃତ୍ଯୁ ଘଟିଛି । ମୃତକ ସେହି ଗାଁ ଦୈତାରୀ ନାଥ । ସ୍ଥାନୀୟ ଲୋକଙ୍କ କହିବା ଅନୁସାରେ ଦୈତାରୀ ସାପ ଧରିବାରେ ସିଦ୍ଧହସ୍ତ । ଆଖପାଖ ଅଞ୍ଚଳରେ କାହାରି ଘରେ ସାପ ପସିଗଲେ । ଦୈତାରି ତାକୁ ସୁରକ୍ଷିତ ଭାବେ ଉଦ୍ଧାର କରି ଜଙ୍ଗଲରେ ଛାଡି ଆସିଥାନ୍ତି ।
ସାପ ଧରି ଖେଳାଇବା ହେଲା କାଳ
ତେବେ ଶୁକ୍ରବାର କୈଣସି ସ୍ଥାନରୁ ଦୈତାରୀ ଏକ ନାଗ ସାପ ଉଦ୍ଧାର କରି ଆଣିଥିଲେ । ସେହି ସାପକୁ ଜଙ୍ଗଲକୁ ଛାଡିବା ସମୟରେ ଅସାବଧାନତାରୁ ସାପଟି ତାଙ୍କ ନିୟନ୍ତ୍ରଣ ବାହାରକୁ ଯାଇ ହାତକୁ ଚୋଟ ମାରି ଚାଲିଥିଲା । ଗୁରୁତର ଅବସ୍ଥାରେ ତାଙ୍କୁ ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରିଥିଲେ ପରିବାର ଲୋକେ । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
